[ أغرَق ]

[زينب آل ياسين]

مَساءكم نَقاء
بَسيطة للتواصل

يجيني طيفك المجنون . . و يوسم بالخفوق ظلال
...................................انا مدري متى بجلس .. بحضنك يا معنيني . !!
تبلل شوفتك ريقي من أطراف الغياب وصال
...................................تدلل يا شقى عمري . . سنيني لك توديني
عشان أغفى . . عشان أغرق بعشقك غنني موال
...................................عشان اكتب على نحرك قصيده من رياحيني
حنينك حيل ياخذني لدربك و الدروب طوال
...................................لو أبرد .. مالقيت .. إلا دفا اطيافك تدفيني
انا أحبك ! و تعرف ماطرى غيرك على هالبال
...................................انا أحبك ! تفز الأرض .. من حولي اذا تجيني
اذا تاتي . . اكون الهايمه و الي تبي تختال
...................................ابي اختال .. لنّك فرحة . أكواني و بساتيني
تفوقت بعشق أكبر من احساس الأبو و الخال
...................................و أكبر من شجن كاظم نزار ان قال ( زيديني )
أبي اذوب من دفئك . . ابسكن تحت هالأطلال
...................................ابي تشربني انفاسك الين العشق .. يكويني
انا ما ألوم نفسي لو نسيت الناس و الأحوال
...................................انا ما ألوم دمي .. لو تحلل .. من . . شرايني
ابصبر بس يادفتر سنييّ المقبله لو سال
...................................حبر شوقي عليّا و انكتب .. موالها ..سنيني
تعب هذا الطريق يجيبني لوعة و انا أقتال
...................................من همومي عشان المح طريقه لك .. تدليني
توزع داخلي تكفى . . توزع لين عني يقال :
...................................سكنها عاشق(ن) يسوى متاهاتي و عناويني
سكنها واحد(ن) أكبر من حدود الحكي و القال
...................................سكني شخص افعاله .. غصب عني تخليني
تخليني اكون الهايمه واللي تبي تختال
...................................ابي اختال .. لنّك نور دنيايا.. ودفا .. سنيني

للعابرين كُل الشكر

 

[نواف العطا]

زينب آل ياسين
أغرقتينا بالجمال والروعة والإبداع
كلمات فيها من الحس والحسن مالا يوصف
سلم بوحكِ أختي
ودمتِ بود

 

[جُمان]

..
وَ نَغرَقُ أيضاً في مِثلِ هذا الهَمس الشَّفيف حِينَ يَجيءُ كَخفقٍ يَطْرُقُ أبوابَ الشَّوق
تَستَدرجينَ الجَمالَ كُلما حَضرتِ يَا زَينَب
الشِّعر بين كَفَّيكِ كحدائق اليَاسمين الوَارِفة

شُكراً لقلبك

.
.

 

[زينب آل ياسين]

اقتباس:المشاركة الأصلية كتبت بواسطة جُمان

..

وَ نَغرَقُ أيضاً في مِثلِ هذا الهَمس الشَّفيف حِينَ يَجيءُ كَخفقٍ يَطْرُقُ أبوابَ الشَّوق
تَستَدرجينَ الجَمالَ كُلما حَضرتِ يَا زَينَب
الشِّعر بين كَفَّيكِ كحدائق اليَاسمين الوَارِفة

شُكراً لقلبك

.
.

جُمانْ

يَكفيني نورا ً أنك ِ حَضرت ِ
شُكرا ً بِحجم روحك وَ أكثر ,

 

[زينب آل ياسين]

اقتباس:المشاركة الأصلية كتبت بواسطة نواف العطا

زينب آل ياسين

أغرقتينا بالجمال والروعة والإبداع
كلمات فيها من الحس والحسن مالا يوصف
سلم بوحكِ أختي
ودمتِ بود

نَوافْ العطا

شاكرة وَجداً لِهذا الحضور
وَالنور المُخملي

 

[رحيل عواد]

كم هو ممتع هذا الغرق
مابين الجمال والعذوبه
زينب شكراً لكِ على هذا
البوح الشجي

 

[زينب آل ياسين]

اقتباس:المشاركة الأصلية كتبت بواسطة رحيل عواد

كم هو ممتع هذا الغرق

مابين الجمال والعذوبه
زينب شكراً لكِ على هذا
البوح الشجي

رَحيل عَواد . .
وَكم يُسعدني هَذا الوجود
شُكرا ً وأكثر . .

 

[عبدالله العويمر]

حَدِيْثُك ِ الهَامِس ُ : أُغْنِيَة، وأُمْنِيَه

والغَرَق ُ بِعَفْويّتِه طَوق ُ نَجَاة
دُمْت ِ بِخَيْر