.. ورقة فراق ..

[عودة نزال]

مندمة : !!

الحب : مشروع جرح ناجح ، نقول فيه نصف

الحقيقة لنحصل على الحقيقة كاملة !!

هنا ورقة فراق او طلاق ... وجداني !! .. لا فرق !!

إهداء الى الحبر .... و الى البحر !!

والاهداء موصول للطائف !!

... ولكم ..

مضى لك وقت تستوطن خفوقي وتستبيح ارجاي .....
........... وأنا استغفر من احساس ٍ يجيني واتبع احساسي !!

اخاف الوقت يكتبني حبيب وتنقري اشياي ....
........... واخاف الشوق يرسمني غريب وتنمحي ناسي !!

حبيبي والغلا بعثر سكوتي وتوني مـ/ امداي .....
........... بقربك .. كيف اجل لو تنتثربي ويمتلي كاسي !!

حبيبي مالي وجر الربابة وارتعاش الناي .....
........... عن اجراس الهوى واهل الهوى تغنيني اجراسي !!

انا اللي جيت في عز انكسارك حامل ٍٍ مبداي .....
............ اباسوّي بها دور الكبير وجت على راسي !!

غريب ٍ خانني وجه الديار ولا وفى مسراي .....
............. ورحت احطب متاهات السرور وملّـني فاسي !!

لمحتك .. قلت يشبهني كثير بنظرتي وخـْـطاي .....
.............. عرفتك .. قلت تفداه العيون وجيت لك ناسي :

عناويني .. ليالي غربتي .. دربي .. عيون اعداي ....
................ طموحي .. بسمتي .. روعة حضوري .. صوت جلاسي !!

تخيّل من كثر مـ/اكره فراقك لا لمحتك جاي .....
................ اشيل هموم توديعك بقلبي واكتم انفاسي !!

يا أول من تجمّــل في دموعي واستفز بكاي .....
............... يا أول من تفلسف في غروري واظهر افلاسي !!

يهمك تعـْــرف ان غلطة غرامك بعثرت دنياي .....
............... تعال اسمّعك نبرة سكوتي وصمت وسواسي !!

وتعال احدّثك عن بخل صبري وعن كرم ذكراي ......
............... اذا حدّتني اشواقي عليك وانت متناسي !!

ظنون .. جنون .. غيرة .. شوق .. إلى اخر مدى وياي .....
.............. متاهات ٍ أقاسي جورها وشلون ما أقاسي؟ !!

وانا اللي قبل تذكرني المحبة داله ٍ نسّاي .....
.............. ينومسني طموحي واعتلي ويـْــزيد نوماسي !!

واغني للأماني خطوتي واسمع صدى مغناي .....
.............. اذا هبت نسانيس الوصول وهب نسناسي !!

سقى الله ياحبيبي ما مضى يوم النصيب ارضاي .....
............... قبل لا اميل ميلة من كبا والشوف متواسي !!

لك الله .. كيف ابحر بي هواك ونظرتي مرساي؟ .....
............... لك الله .. كيف عراني غلاك وداخلي كاسي؟ !!

حرام اني مـ/ عاد املك من اوطاني سوى منفاي .....
................ وحرام ان باسي اللي تذكره ماعاد هو باسي !!

مغير اروي على عجز انتظاري مقدرة مولاي .....
................ ومغير اطفي حطب صمتي - عبث - واشب كراسي !!

بليل ٍ مثقل ٍٍ بالموت محبط شاحب ٍٍ شرواي .....
................ غفابي لين ما صار المحال المعجز نعاسي !!

سجن .. حراسه اغلو عبرتي واستعذبو نجواي .....
............... الا واشيب عيني مْـن التناجي وسجن حراسي !!

حبيبي .. دامها وصْـلت مداها لا تجيب اقصاي ....
............... تراني بالهوى لين مشاعر والهوى قاسي !!

دخيلك لا تعلقني على كف الزمان الجاي .....
.............. واراوح بين دوامة رجاي وغطرسة ياسي !!

حبيبك خاف في عز التلاقي لا يخونه راي .....
............. وصاح : الصدق دربي يازمن والعز نبراسي !!

انا لو ضاعت ايامي محبة ما تضيع امناي .....
.............. وانا لو مالت كفوفي هوى ما ينحني راسي !!

بعيدٍ .. تغرق بساكت بحوري همهمة شكواي .....
............... ثقيل ٍ .. لا طغى موج الليالي شفتني راسي !!

حبيبي ما علينا .. ماني مغنّي على ليلاي .....
.............. تطول المسألة من حد قرطك لين قرطاسي !!

بفارق دامها من جرح قلب ودمع عين وجاي .....
.............. ودخيلك لا تواسيني .. وش تخلي وش تواسي !!

حبيبي جفـّت أوراق المسا - خوف - وقست يمناي ....
............. وجيتك طالب ٍ كف الوداع وقلب هوجاسي !!

اذا اهديت الهوى حرف الموادع .. لا آعدم معناي .....
............ واذا شحّيت في حبر الجفا ..لا عاش كراسي !!

 

[محمد الضاوي]

و حضور لـ حجز مقعد فااخر


مسـاااءك شعر يا شااعري


/
\
/


م / ضـ

 

[عودة نزال]

المشاركة الأصلية كتبت بواسطة محمد الضاوي

و حضور لـ حجز مقعد فااخر


مسـاااءك شعر يا شااعري


/
\
/


م / ضـ

محمد الضاوي ..

هلا وغلا بهالحضور وكل هذا

النور .. بأمانه اسعدني

حضورك .. شكرا من القلب ..

فهل تكفي ..

 

[محمد الضويحي]

نص ينبض من الداخل

لعلك لاتسمع سوى آهاتك تتردد بين جاونحك


كنت هنا استمع لهمسك من قريب


شكرا لك

 

[العـنود ناصر بن حميد]

يالله
هنا حصلت على كفايتي من الشعر
لهذه الليلة
بصدق
قليلة هي النصوص
التي تدعوك للقراءة مرة ومرتين وثلاث
.
.
عودة نزال
لك مايليق بك من الشكر
فقد منحتنا أجنحة للسفر لمدن البياض
دمت بسلام

 

[عودة نزال]

المشاركة الأصلية كتبت بواسطة العـنود ناصر بن حميد

يالله
هنا حصلت على كفايتي من الشعر
لهذه الليلة
بصدق
قليلة هي النصوص
التي تدعوك للقراءة مرة ومرتين وثلاث
.
.
عودة نزال
لك مايليق بك من الشكر
فقد منحتنا أجنحة للسفر لمدن البياض
دمت بسلام

العنـــــــــــــــــــــــــود ناصر ..

رقصتي نوارسي ذهابا وإيابا ..

قرأت تعليقك مرات ومرات ولم اكتفِ !!

ماأجملك .. ماأجمل حرفك ..

لك كل الحــــــــــــــــــــــب ..

فهل يكفي ؟؟؟

 

[عودة نزال]

المشاركة الأصلية كتبت بواسطة محمد الضويحي

نص ينبض من الداخل

لعلك لاتسمع سوى آهاتك تتردد بين جاونحك


كنت هنا استمع لهمسك من قريب


شكرا لك

محمد الضويحي ..

حضورك دائما مايكون اجمل

الحضور وألذ النور ..

شكرا من القلب لكل هذا السمو ..

 

[سامي العمر]

عودة نزّال
جميلٌ جدا وصفك لحالة الوداع قبل الوداع في احد ابياتك
قصيدة كريمة بجمالها والمعطاء
تحيّاتي