(( وجـيـه المباني ))

[عطاالله ممدوح]

:

.

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الضيقه اللي برّكت بالمحاني=جتني وانا اللي ذنبها ماجنيته
اردّها وآقوم اغـيّر مكاني=لكنّها تورد على مستميته
واغرف لها من عد صدري معاني=عدن حفرته بالضلوع وطويته
تنبت على جاله غصون الأماني=وحلم ٍ من إحساسي ونبضي سقيته
يالله دخيلك من بلاوي زماني=واعوذ بك من شر درب مشيته
الحزن من بين العباد اصطفاني=وقلطت له صدري قصيد وفريته
وان كان ليله في كنفه احتواني=نجبت له حمرا قصيد وسريته
اهيم بدروبه واعد الثواني=والصبح ما اثقل خطوته لا احتريته
وليا اشرقت شمس الأمل في كياني=يممت وجهي للكريم ودعيته
يشرح ضنك صدري ويحفظ لساني=ويحيي بصدري كل حلم رثيته
وان قمت اناظر في وجيه المباني=ياكثر من يشبه تفاصيل بيته
(وجيه) من ربي خلقها تعاني=و(وجيه) من ربي خلقها بخيته
العمر بذل وتضحيات وتفاني =ومن طاب حظه طاب فعله وصيته
أحب نفسي بس ماني أناني =لو صاحبي يطلب عيوني عطيته
كم واحد ٍ لامن نخيته لفاني =ولا احتاجني في ساعة الضيق جيته
كم واحدن لا من بغاني لقاني=لكنّ انا لا احتجت له مالقيته[/poem]

عطاالله ممدوح

 

[محمد السالم]

حتى لو ما لقيته يابو ممدوح
يكفي انك لقيت الشعر والشعر لقاك
قصيدة تحمل عبق الاصالة والشعر الرزين والشاعرية الغير مصطنعة
سعيد يابو ممدوح كوني الأول في متصفحك الثمين
لك التحية والتقدير

 

[عطاالله ممدوح]

المشاركة الأصلية كتبت بواسطة محمد السالم

حتى لو ما لقيته يابو ممدوح
يكفي انك لقيت الشعر والشعر لقاك
قصيدة تحمل عبق الاصالة والشعر الرزين والشاعرية الغير مصطنعة
سعيد يابو ممدوح كوني الأول في متصفحك الثمين
لك التحية والتقدير

وانا سعيد بك وبتواجدك وبشهادتك
بيض الله وجهك يا محمد
ولاهنت يالغالي

 

[علي الحسني]

وان قمـت انـاظـر فــي وجـيـه المبـانـي

يـاكـثــر مــــن يـشـبــه تـفـاصـيـل بـيـتــه

هذا البيت لوحده قصيدة وغيره لايقل جزالة عنه

حقيقة حوت هذه القصيدة الكثير والكثير من الشعر وجمالياته

دام ألقك

 

[عطاالله ممدوح]

المشاركة الأصلية كتبت بواسطة علي الحسني

وان قمـت انـاظـر فــي وجـيـه المبـانـي

يـاكـثــر مــــن يـشـبــه تـفـاصـيـل بـيـتــه

هذا البيت لوحده قصيدة وغيره لايقل جزالة عنه

حقيقة حوت هذه القصيدة الكثير والكثير من الشعر وجمالياته

دام ألقك

تسلم ياخوي علي
ممتن لحضورك وردك الجميل

لاهنت

 

[ميــرال]

ربي يشرح لك صدرك ياعطالله
مثل هذه الحروف الوجدانيه تلمس ارواحنا ولا تتركنا دون تأمل بها
هذه العذوبه تأخذنا رغم ضيقها الى شرفات تطل على الغيم
يسعد مساالشعر بحضورك

 

[عطاالله ممدوح]

المشاركة الأصلية كتبت بواسطة ميــرال

ربي يشرح لك صدرك ياعطالله
مثل هذه الحروف الوجدانيه تلمس ارواحنا ولا تتركنا دون تأمل بها
هذه العذوبه تأخذنا رغم ضيقها الى شرفات تطل على الغيم
يسعد مساالشعر بحضورك

ويسعد ايامك ويشرح صدرك

ممتن لك هذا الحضور وهذا الرد

شكر ا لك

 

[عبدالإله المالك]

الشاعر الجزل / عطالله ممدوح

ابداع مستمر وتألق في سماء الشاعرية!