زمــان البــلاوي..مصافحـه أولـى

[هزاع الساري]

السلام عليكم ورحمه الله وبركاته

اخواني اعضاء ومشرفي منتدى ابعاد

في البدايه اعتذر عن التأخيير في المشاركه

وذلك للظروف التي حالت بيني وبين اخواني في المنتدى

وهذه القصيده الاولى لي في منتدى التميز


وهذي مجاراه لاحدى قصائد الشاعر الكبير عبد الله بن عبار

اتمنى ان تنول اعجــابكــم

[POEM="font="Traditional Arabic,6,black,bold,normal" bkcolor="transparent" bkimage="" border="groove,2,gray" type=1 line=0 align=center use=ex num="0,black""]بديت بأسم اللي يحل الصعيبات =اللي رزق كل الحضر والبداوي

ومن بعد ذكر الله خطيت الابيات =يوم العقل من زود الافكار ضاوي

يقول من لا قال قوله بالاثبات=ابيات شعراً في زمان البلاوي

ابيات شعراً في زمان القنوات=ماهو زمان الدين والا الفتاوي

بعض البشر صارت تحوش الرديات =وتتعب على خوة رفيق الفلاوي

تفرح بشوف اللي يروج اشاعات =اللي يبث الكذب وسط القهاوي

بثه تعدا بث كل المحطات =يرسل ويستقبل للاكذاب هاوي

وبعض البشر لاصار بالوقت ميلات =لاقرب قريبٍ له والله مياوي

لاقرب قريبٍ لا طاح شمات =لونه على حل الصعيبات قاوي

وبعض البشر تتبع علوم السخافات = تبدلت يا ناس كل الهقاوي

صرنا نشاهد بالصحف والمجلات =صفحات خصيصاً لاجل النخاوي

قالوا ترى موضوعنا اليوم فزعات =صوت قبل يخسر محمد خلاوي

وقالوا ترى بشار جايب جماعات =افزع وعجل في طلب هالنداوي

ناسٍ تنام ايام من دون عشيات=وبفلوسها ناسٍ ترشح غناوي

وبعض البشر عنده طبايع وعادات =ما جابهن الا العفن والشقاوي

للوالده قايل جميع المسبات =ولا حاز منها غير كثر الدعاوي

حياًولكنه شبيهاً بالاموات=ودك تشوف اسمه بكشف النعاوي

زمان ضايع فيه كل انحرافات =هبيت والله يا زمان الدناوي

عددت انا بعض الصنوف الخبيثات =والا كثيراً فيه بالطيب راوي

يا الله يا محيي العظام الرميمات =يا رب سترك من جميع الخفاوي

وفي قولنا نذكر بناتٍ كريمات =ما قربن صوب الدروب المساوي

يسعد مسا كل البنات العفيفات =اللي وهبهن ربنا المزاوي

الكاملات الراجحات الثقيلات =مستمسكات بسترهن والغطاوي

ما قلدن موضت بنات الخواجات =حافظهن الله عن طريق الخطاوي

ولاحطن المكياج وقت الدوامات=ولاهن من اللي للرديه تخاوي

ولاهن من اللي بالمقاهي سهيرات =ولا صدقن هرج الكذوب الهواوي

البيض فيهن بالمزايا اختلافات =مثل الاصابع ما يجن بالتساوي

يا ناس بالله وش لكم بالطويلات=زبدة قصيدي قالهن المداوي

يقول (بن عبار ) في جزل الابيات=ومثل الذهب عندي كلامه يساوي

الطيب كايد والمراجل عسيرات =ولا كل من يقدر ينط العلاوي

ومن لا كسبها اول العمر هيهات=ما حاشها عودٍ من الكبر ذاوي [/POEM]

وسلامتكم

 

[عبدالله الدخين]

حجـــــــــــز



أووووووووول

 

[أصيله المعمري]

هزاع الشعر

،
،
،

عندما يبهرنا الجمال ..
افواهنا تصمت ..
تخونها جميع التعابير ..



،
،
عــــزف على أوتــار خاصه لايجيدهـــا ســـــوى

الشـــــــــــاعر ..سوى الشاعر يا الساري



نرتوي من نبع أحساسكـ

فلا تحرمنـــا من روائعكــ

دمت لنــا

 

[عبدالله ثويني المانع]

..


العزيز / هزاع الساري ... أهلاً وسهلاً بك في أبعاد أدبية

جاريت قصيدة لعلم من أعلام الشعر ..
عرضت لأصناف البشر بأسلوب الناقد الاجتماعي

هزاع الساري لك الشكر والتقدير .. ونسعد بتواصلك وتفاعلك

أرق الحايا لقلبك

..

 

[هزاع الساري]

المشاركة الأصلية كتبت بواسطة عبدالله ثويني المانع

..


العزيز / هزاع الساري ... أهلاً وسهلاً بك في أبعاد أدبية

جاريت قصيدة لعلم من أعلام الشعر ..
عرضت لأصناف البشر بأسلوب الناقد الاجتماعي

هزاع الساري لك الشكر والتقدير .. ونسعد بتواصلك وتفاعلك

أرق الحايا لقلبك

..

اخوي الكريم عبد الله المانع

شاكر لمرورك الكريم

 

[هزاع الساري]

المشاركة الأصلية كتبت بواسطة أصيله المعمري

هزاع الشعر

،
،
،

عندما يبهرنا الجمال ..
افواهنا تصمت ..
تخونها جميع التعابير ..



،
،
عــــزف على أوتــار خاصه لايجيدهـــا ســـــوى

الشـــــــــــاعر ..سوى الشاعر يا الساري



نرتوي من نبع أحساسكـ

فلا تحرمنـــا من روائعكــ

دمت لنــا

الاصيلة .. اصيلة المعمري

كل الشكر لك على هذه الكلمات

والتي اعتبرها شهاده اعتز بها

 

[سلطان المبارك]

نص رائع ومجارراة مميزة

جدا

صح لسانك ودام نزف حرفك الراقي


أرق التحايا والتقدير

ودمت بود ,,,

 

[هزاع الساري]

المشاركة الأصلية كتبت بواسطة سلطان الشتيلي

نص رائع ومجارراة مميزة

جدا

صح لسانك ودام نزف حرفك الراقي


أرق التحايا والتقدير

ودمت بود ,,,

صح بدنك يا سلطان

وشاكر لمرورك العطر

اخــــــــــــــــــــوك
هزاع الساري