غزل .. على نمط .. هذاك وهذاك !!!!!

[فهد عواد]

صبحكم / مساكم الله بالخير

لست بشاعر غزل ... ولكن احاول

لأرضيها !!!!!

.

.

اتمنى ان تعجبكم

.

.

.

أدخل على الله .. لا تقــول أقــدر أنسـاك

.................. وشلون ابنسى من على القلب محســوب


الله وأمـانــه .... كـلّ مـاحـلّ طريـاك

.................. أون ... ونّــة من على الظيــم مغصـــوب


يسعد صبــاحك والمســـا وطيـب مســـراك

.................. يسعد هذاااك اللي على المتن مسكــوب


ويسعد جبيـنٍ نــوّر بليـــل ظلمــاك

.................. يسعد لثـــامٍ بالنْفـــسَ .. ودّه يـــذوب


ويسعد هذااك اللــي (..........) بممشـاك

.................. ويسعد هذااك اللي عن النـاس محجـوب


ويسعد هذااك اللـي ... بــرز من حنايـاك

.................. المرتكـز ... كنّـه على الحكــم منصـوب


ويسعد هذااك اللي تدفّـــق مــن اشفــاك

.................. شهدك عساني مأنحــرم منّــه ( بنـوب )


ريقـــك شبيه اللي على البــال ... هـآذاك

.................. اللتي إذا شربــوه .... طقوا فـم الكـوب


ابـك انــت لامنـك تمـــايلـت بخطـاك !!

.................. يـاكم تقيٍ .. شــال من شوفـك ذنـوب


يأنعم من ( المــاهود ) ... والين من الـراك

.................. ياتـرف .. يــمدلّــع .. يأغنـج .. يحبـوب


يـالظــالم العــادل ... يصـــادق يأفـــاك

.................. يــاقاسي يـاليّن ... يمرعــب يمهيــوب


يــاذوق .. يمطنّــش .. يناسـي .. يشكـاك

.................. من وين اببدابك وأنـا اشوفك (قروب)؟؟


من صدرك اللي يجمع ايمان .. واشراك ؟!!

................. أو خصرك الناحل على ردف ( دبدوب )؟!!


أو عينك اللي تهلك العـاشق .. اهلاك ؟!!

.................. أو صوتـك اللي ذوب قلـوب .... وقلـوب


وتقول أنا بنساك .. وشلون أبنسـاك ؟؟؟

.................. وانت تخبـرني ميّت/ن بك .. ( يمذهـوب )

..

..

وسلامتكم

...............

فهد عواد