شيخوووخة .. مبكّرة ../ ! /

[حمود بن وهقه اليحيائي]

شد حيلك يا قصيدي واكتب اللي ما تبيه
كل شي يهون لجل نعيش والصبر الصبر

وإن قلبت الأمسية مشهد فكاهي ماعليه
دام ما به من يميّز ذا شعير أو ذا شعر !

 

[حمود بن وهقه اليحيائي]

..

وفي ميلادها أهديتها " وردة صناعية " !
وقلت لها : اذا ذبلت ترا بنهي علاقتنا !!

 

[حمود بن وهقه اليحيائي]

..

تلاقينا على شان انتفارق ..! آآآه كيف ألقاك ؟!
كأن قلوبنا في " لحظـــة التوديع " هـــب حـــيّة ..!

دمـوع (ن) هـــلّت بفــــــرقاك .. ما طاحت قبل فرقاك
لكنّ اليووم ،، طارت من ســجن عيني بسرّية ..!

فديتك قبل لا ( تعـلن وفـــــاتي ) ضـــمّني ..أبغـاك
تعيّشني معااااك آخر " محــطـــات الرومانسية " !

تسيل دموعك بخـدّي ، وتغرق شـفّتي بــ شــفاك
وأبا تغرس بظهري خنجـرك .. وبـكــــل حنّـية ...!!

أموت بخنجرك أحسن ~ ولا يطعـن قـفاي أعداك
وعادي لو يقولوا : مات شوق بـ سبّة بنـيّة ..!!


..