حضور متهالك
فأصفحوا عنه ماستطعتم الى ذلك سبيلا
مدخل
[poem=font=",5,red,normal,normal" bkcolor="transparent" bkimage="" border="none,4," type=2 line=1 align=right use=ex num="0,black""]
تدرين وشو نهار العيد في صدري؟=خمسة جروح اشعل ظلوعي واعايدها
كل عام وانتي سوالف شوق في شعري=جملة قديمة تعب صوتي يرددها[/poem]
/
[poem=font=",5,red,normal,normal" bkcolor="transparent" bkimage="" border="none,4," type=2 line=1 align=right use=ex num="0,black""]
علام الحزن لا ليّل الليل ياعساف=يجيب الوجيه اللي بكينا مفارقها
وانا اللي حرثت وجيههم ماانبتت بالقاف=سوى دمعةٍ تفرض عليّه معانقها
ياحزن الشوارع والورق ماعليّ خلاف=ولو ضحكتي من فمّ الايام سارقها
تمر السوالف عارية ماعليها لحاف=واجيب الدموع اللي من العام فاهقها[/poem]
/
[poem=font=",5,red,normal,normal" bkcolor="transparent" bkimage="" border="none,4," type=2 line=1 align=right use=ex num="0,black""]
ماعدت انا (متعب) وتاهت عناويني=من ضيقي احس بإني واحدٍ ثاني
(ياخي على شان قلبي لاتخليني)=آخر كلامٍ زرعه الخوف بلساني
خوفي من الحزن لاكسّر جناحيني=خوفي من الليل لامن صرت وحداني
هذا حنين المواني ساكنٍ فيني=وهذا قطار العمر مرّ وتعدّاني
هذا دفا البرد احسه بين ضلعيني=يعزف مواويله ويكتب ويقراني
تحسب غيابك بسيط ولايبكيني؟؟!=لاوالله الا شربت الدمع وارواني
ماهزت ضلوع صدرك قولتي ويني؟؟!=خابرمكاني ,, وادوّر يمكن القاني
لو الليالي تحس البرد بيديني=ماكان موتي تمنيته ولاجاني
ولو الكرا بس ليلة يورق بعيني=ماشفت وسم السهر منقوش بأجفاني
الموت ماهو ليا من بارت سنيني=الموت طيفك الى من طق بيباني
بذرت مااحبك ولاعاد تعنيني=وقطفت احبك حبيبي لو تناساني
تكفى,طلبتك,دخيلك لاتخليني=ماهي مذله,,طواري خوف بلساني[/poem]
/
[poem=font=",5,red,normal,normal" bkcolor="transparent" bkimage="" border="none,4," type=2 line=1 align=right use=ex num="0,black""]
ياصاحب الحزن مالأحزاننا آخر=دام الليالي تصب البرد بيدينا
لاتذخر الدمع وآنا ماني بذاخر=ولاتسرج الذاكرة/ماعاد يمدينا
من عام الاول اعتّق شوقي الفاخر=كني مراكب تعب واحضانك المينا[/poem]
/
[poem=font=",5,red,normal,normal" bkcolor="transparent" bkimage="" border="none,4," type=2 line=1 align=right use=ex num="0,black""]
لعيونه اللي علمتني الكتابه=غنيت للحرمان والشوق شعري
شاعر اعيش الليل كله رتابه=ياكثر ليل الخوف /ياقل فجري
عايش وحيد بكون كله غرابه=ماغير اكفن شوقي بصوت حبري
تعبان كلي اسألة يااجابه=وين الوجيه اللي على البال تطري؟
كيف الدفا ميت وهو في شبابه؟=وكيف الحنين يشيب في وسط صدري؟
ليه الليالي في غيابه تشابه؟=ليه اذكره لاشفت بالغصن قمري؟[/poem]
/
[poem="font="simplified arabic,4,red,normal,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]بالله قلّي لأمتلى صوتي كسور=وشلون اغنّي للسهر والمنافي؟
عمر الليالي ماتقول انت معذور=لو تمشي بجمر الغلا وانت حافي
زفرة حنين وذاكرة حضن وعطور=وحزنٍ اشوفه ينزرع وسط قافي
طيّرت لك من شجْرة الشوف عصفور=عوّد علي راسم ملامح تجافي
انا الفقير اللي ملى وجهي النور=وانا الغني اللي دمرعي لحافي
احباب, رحنا ,وامتلى صدري شْعور=واغراب,جينا, ماندلّ المرافي[/poem]
مخرج
[poem=font=",5,red,normal,normal" bkcolor="transparent" bkimage="" border="none,4," type=2 line=1 align=right use=ex num="0,black""]
الجرح فضّاح ومفوّه=والدمع يفضح ملامحنا
والحزن مايعرف الخوّه=ياما على وجيهنا طحنا[/poem]
شكرا لكل من يمر من هنا