لا املك سوى الشعر ياغزة ... اعذريني

[سعود الروابة]

الاهداء الى غزة الصامدة واهلها الأحياء الوحيدين ؟؟؟؟؟؟[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تستجير بصمتك اليوم يا زول = صمت العرب ما فادهم والأماني
دوّر على من كان فعله كما القول = والا ترا من غبت كل (ن ) نساني
يجيك شامخ ماخذ العرض والطول = ولامن نخيته قال وش ذي المعاني
كنه جـــــــــــديدٍ للّغة منك مذهول = ويـــــرد لك ببليز عوّد لي ثاني
وتغيب عنه ما تبي هرجك يطول = ويغيب صوته غيبة اللي رماني
وتقول في نفسك ترا مو بمعقول = هذا الرجل بالأمس كان ارجواني
ويجيك شخصٍ ناحل الجسم مجهول = وإذا نظرته قلت ربي كفاني
وتستصغره وتقول لاحول لاحول = الله يعينك ياصغير المكاني
ولو هو تكلم قامت رجال وفحول = ويهتز له بالقول عشرين داني
واكبر دليل اليوم غزة مع الغول = غزة صغيرة لكن الغول فاني
طفلٍ رضيع يقاوم جيوش واسطول = واشناب نامت بالعسل والتهاني
والله حرام يموت هالطفل مغسول = في دم أمه والسبب ما يباني
خذها من اللي لكلمته دوم مسئول = خل العرب في صوب وشف صوب ثاني
هذي العرب اشكال والوان وخصول = ومنهم قليل اللي وفا بهالزماني[/poem]