ظِلال

[ساره بنت محمد]

[poem=font="simplified arabic,4,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]


يمه وينك..؟ يالله عودي من جديد=انفضي عنك المواجع والمحن
هاك عمري..من عيوني ..للوريد=بس عودي ..لملميني بالوطن
حضنك ادفى..حبك اجمل..أو ازيد=روحك اغلى..ماتوازى بالثمن
يمه فيني..فقدك اللي مايحيد=فيني آآآهٍ ..ياكبرها بالشجن
يمه ليلي ..مااباته من بعيد=انتظر صبحٍ يبدد هالحزن
من اشوفك بالعنايه لا أُجيد=أي شيٍ غير ..يالله الامن
ودي اقرب من يدينك ..ما أُريد=وآتشبث في ظِلالك بالسكن
ودي آخذ من حياتي ..لو تبيد=وآتحمل كل جروحك والوهن
بس عودي...يمه عودي من جديد=شاركيني كل امري بالزمن
[/poem]





لعل فيكم ..من إذا أقسم على الله أبرّه




أختكم

 

[عبدالإله المالك]

سارة

الله نسألُ أن يشفي أمكِ ويمدها بالصحة والسلامة .. قال الله تعالى: (وإذا مرضت فهو يشفينِ). الآية.
أبيات مرهفة الشاعرية العالية المملوءة بالدعاء والرجاء والأمل والعطاء والبذل.

 

[نهار بن ممدوح]

ساره بنت محمد

صح لسانك

حضور انساني نبيل
ومشاعر رقراقه في
منتهى الجمال

أسأل الله ان يشفي امك ويرجعها
لك بالسلامه

 

[عبدالله صلال العساف]

الله يشفيها ان شاءالله
ويردها لكم سالمه ومشافاه

 

[شقران الزيادي]

هاك عمري..من عيوني ..للوريد
بس عودي ..لملمينـي بالوطـن

خطاها الباس
الله يرفعها بالعافية ويشفيها ..


نص وصل لقلوبنا بصدق
باقات ورد


تحياتي

 

[فاتن حسين]

رعشة برد اعترت قلبي يـ سارة..
شعرت بكِ روح زهرة تشتاق المطر..

ستعود باذن الله ..
فقط ..
أكثري الدعاء ..وستكون بخير..!

 

[ساره بنت محمد]

المشاركة الأصلية كتبت بواسطة عبدالإله المالك

سارة

الله نسألُ أن يشفي أمكِ ويمدها بالصحة والسلامة .. قال الله تعالى: (وإذا مرضت فهو يشفينِ). الآية.
أبيات مرهفة الشاعرية العالية المملوءة بالدعاء والرجاء والأمل والعطاء والبذل.

عبدالإله
شكراً لـ هذا العطاء\ الدعوات منك أيها النبيل



لاهنت

 

[سعيد الموسى]

موجع هذا النص بكل مافيه من صدق ..
أسأل الله أن يشفي والدتك ِ ياساره وجميع مرضى المسلمين ..
أسأل الله أن يقر عينك بها ويفرج عن والدتك ِ إنه الشافي المعافي عزوجل ..