على هونك

محمد فرج · 02-12-2011, 09:51 AM

يمرني طيفها ويقول وش لونك ؟
................................مثل السحاب البعيد الحالم العابر

ياطيفها خلك لشوقي على هونك
.................................خذني معك ، كلي ، الليله قبل باكر

توها اندهتني ، وقال القلب : ياعونك
....................................ثم اختفت ، واجذبت صمتي إلى الآخر

يا خفقة البوح صار البوح مفتونك
...................................هو خابر انك تراتيله ، وانا خابر

أنا اتلوى ظما واموت من دونك
................................وانتي تمرين من عندي وانا اكابر !

صحيح ماعرف عنك الا سنا عيونك
...............................واسلوبك اللي يذيب الروح و يسافر

لكن اعرف ان ربعك لو ينادونك
..............................ترد عنك الورود بروضك العاطر

يا بخت منهو ـ بدون احراج ـ مضنونك
...................................توحين له : يا بعدهم كلهم .. آمر

وتشاركيه بتهاويمك وبجنونك
...........................وتجاملينه ، اذا ازعلتيه : يا شاعر

انتي شعوره ، وشعره نادر لحونك
.........................لاذاب ليل الهوى حوله وهو ساهر

يا طيفها قرب وشلني على متونك
.........................وامطرني حروف تسكن صمتها الفاخر

كوثر لها الدمع من طبعك ومن لونك
.........................هدية من كسير القلب والخاطر ...