ماكان ودي.......!!!!!!

[محمــد الدوسري]

اضعها بين ايديكم واتمنى لها القبول

=================

[POEM="font="Simplified Arabic,5,black,normal,italic" bkcolor="transparent" bkimage="./images/backgrounds/27.gif" border="none,4,gray" type=1 line=0 align=center use=ex num="0,black""]والله ماكان ودي اجـرحك بالكــلام=بس تدري حبيبي كنت خايف عليك

وين يهدى خفوقي اوعـيوني تــنام=وانت زعلان مني والمشاعر تــبيك

كل لحظه تعدي في غيابك حــــرام=شــوفـني قــد مـاتبـعد انا محــتريك

قلبي اللي شبع جرح وعذاب وملام=باع نفسه لجل نـفسه يبي يـشتريــك

في غيابك وانا عايش بنفس النـظام=اشغل الفكر وانسى واذكرك وابتديك

ليه تتركني اغرق في بحور الهيام=وانت ربان مركب والسفينه يـديـك

دام حطيت في بالك فراق وخصام=اسمع البيت انا مقدر اشوفك واجيك

كان بعدك نـــهاية حــبنا والغــرام=ليتني عشت في غيرك ولا مت فيك[/POEM]

=================

 

[قايـد الحربي]

محمد الدوسري
ــــــــــــــ
* * *

قصيدة شفّافة كالماء
تنبض حبّاً وتحبّ نبضاً .

شكراً لك .

 

[محمد الخريصي]

محمد الدوسري




نهايه ابياتك



بيت يساوي قصائد



كان بعـدك نهايـة حبنـا والغـرام
ليتني عشت في غيرك ولا مت فيك



دمت مبدعا دائما



تقبل احر تحياتي



اخوك ..




(( محمد الخريصي ))

 

[العـنود ناصر بن حميد]

كل لحظه تعدي في غيابـك حـرام
شوفني قـد ماتبعـد انـا محتريـك

**
قلبي اللي شبع جرح وعذاب وملام
باع نفسه لجل نفسه يبـي يشتريـك

**
في غيابك وانا عايش بنفس النظـام
اشغل الفكر وانسى واذكرك وابتديك


الله عليك

محمد الدوسري

مُبهج هذا الحضور

صح قلبك

ودام تواصلك الكريم

 

[محمــد الدوسري]

قايد الحربي


اخي الكريم

صح بدنك واشكرك كل الشكر على مرورك الاكثر من رائع

ياهلا ومرحبا فيك

تقبل تحياتي

 

[محمــد الدوسري]

محمد الخريصي


صح بدنك طال عمرك واشكرك كل الشكر على مرورك الجميل والرائع


تقبل تحياتي

 

[محمــد الدوسري]

العنود


اسعدني جداً مرورج وياهلا ومرحبا فيج

صح بدنج واشكرج كل الشكر على المرور الجميل والرائع


تقبلي خالص التحايا