جَاوَبْتِ أَنْفَاسِ العَقِيْقُ وَ اهْدَرَتْنِيْ صُوْت..!!

[منيرة بنت دحيم]

السراج وهيجنة فكري وصـوتٍ لك أخيله
_____________ والطبوع اللي ندهتني تطلبك باقـي سنينـك
يا زلال الوقت يا عطر المكـان وسلسبيله
_____________ كيف غبتم يا غلايا كيف غيّب كـل حنينـك
الخوافي لو توضح تبكي منـك ألف ليله
_____________ وألف ليله قد بكتهم مقلتينـي مـن تبينــك
إسأل أوراق الدفاتر اسأل الهمسـة الذليله
____________ كم سعيت أرجي رضاكم والرضى يا هو يدينك
آه منهـا أمنياتـي كلهـا لـي مستحيله
____________ حــظ عاثر ماجلبته وكم بغى يبقى رهينـك
المرايـا عاقبتنـي تدعـي إنـي جميله
_____________ مادرت زيني م يكمل غير بس في ناظرينـك
ماقدرت أنسى هواكم ما قدرت أرحل وأقيله
_____________ كلما جنبـت عنكــم ردنـي شـيءٍ يبينك
والعزا إني شريتك وإنـت ماجـاك القليله
___________ روحي وقلبي وبوحي والشـواهد (قدم عينـك)
حتى شوقي مع حنيني مع شعورٍ لك أهيله
_____________ وبعت كلٍ يا حياتي وهـم تراهـم بـايعينك