محبتك مثل المطر

[نوح الحمام]

محبتك مثل المطر يـ اللي تحريتك سحاب
ومن شانك وجيه العرب لامن حضرت الغيتها !

ما غبت عن وجهك جفا ولا مشاريه وعتاب
جيتك وقبلك عالمن لو تبتسم ما جيتها !

ياروح روحي وش جرالك ليه طولت الغياب
ارحم دموعن كل ليله من غلا هليتها

انا تراني مغرمه والقلب لامن هام ذاب
هذا شعوري يوم جيت اعلنتها وابديتها

‏ما تدري ان البعد ظلم وقلة الحيله عذاب
‏والروح ماتت من زمن كانك رجعت / احييتها

‏‏وضاقت علي فجوجها والقلب من رجواك تاب
‏واليوم نفسي في بعاد الامنيه ضريتها

تبيني أنسى صورتك وأتعب ورى طرد السراب
وشلون ابى أنسى ضحكتن وسط العيون اخفيتها

يعني كذا والا كذا لا تتهمني بالغياب
‏انا اغيب وصورتك لاشتقت لك مريتها

نوح الحمام ..

 

[رشا عرابي]

يااااا لله يا نوح الحمام
أيُّ بُردَةٍ ألبَستِها للقوافي حتى ازدانت بأشجى وأندى المشاعر والشجون

لله درّك

ما تدري ان البعد ظلم وقلة الحيله عذاب
‏والروح ماتت من زمن كانك رجعت / احييتها

هنا كنت ومن جلِّ أبياتِك استَعرت للحظتي نازِعةً شفيفة
وحتى حين سَيُرافقني مما اقتَبَستُ جمالاً لصيق

محبتي وتحايا عِطرها جوري

 

[فارس الهاشمي]

يعني كذا والا كذا لا تتهمني بالغياب
‏انا اغيب وصورتك لاشتقت لك مريتها

ماأجمل هذا النص الشعري المنساب حسناً وجمالاً من جنائن شعرك
نوح الحمام
صح لسانك.

 

[عبدالله العتيبي]

ما غبت عن وجهك جفا ولا مشاريه وعتاب
جيتك وقبلك عالمن لو تبتسم ما جيتها !

من منطلق الإبداع أكتب وانا وجل مما أكتب
امام نوح الحمام الشجي والذي يفرغ القلب والروح معا
في قالب من فراغ وتوهاااان

صح لسانك مدد لا عدد وحيهلا فيك

عاطر مودتي

 

[بندر الصقر]

الله الله الله

وان كانت شهادتي مجروحة بك إلا انها لا تكون زورا في الشعر ابدا
نص يحمل مزيج من الشوق والعتاب والوفاء

كل الشكر للشاعرة الجميلة.. نوح الحمام

 

[وليد الفالح]

نوح الحمام
حضور فخم يستحق الاحتفاء
تقديري

 

[نورة القحطاني]

حياك الله ياغالية
وحيا الشعر وأهله
مطر يغيث القلوب
جنائن ورد وود لقلبك

 

[حاتم منصور]

مشاعر سلسله مفرده عذبه إحساس عظيم

نص جميل ارى احساسه كانثى تتوشح الخجل بعذريته

صح لسانك بحجم جمال النص