سرّ !

[محمد الناصر الشهري]

عصفور حظّك لك جناحين وتْطير..
تمر من في خاطرك ودّك تْمرّ !

اللي لهم شوقٍ بقلبي وتقدير ..
اللي لقاهم يسعد الروح و يْسرّ !

صبّح عليهم فالصباحات بالخير
موّل على الشّبّاك ألحاني وْجرّ !

عْصير كله حزن يا حزّة عْصير ..
وانا الوحيد اللي شرب طعمه المرّ !

مرّوا شبابيك المسا طْيوفٍ تْسير ..
ضايق م هو مـ الماء ضايق من البرّ !

يا طير رجلي اتعبتها المشاوير ..
والشرّ شفته لين اصبح مـ هو شرّ !

يصير لو قلنا مـ هو ممكن يْصير ..
حتّى الضرير أحيان ماكنّ به ضرّ !

ضامي .. وانا ساقي .. على قفّ ذالبير..
حتى السنين الضّامية .. م انتجت بُرّ !

يا طير انا بآقول لك سرّ يا طير ..
سرّ ٍ يضيّق صدري وْ صدر أي حرّ !

تدري وش اللي دار في خافقي غير ..
حلمٍ حلمته سرّ .. واصبح مـ هو سرّ!


ياطير ودّي الحين أرجع وانا صْغير ..
واحضن أبوي .. الله يسقي وانا غرّ !


.
.

محمد الناصر الشهري

 

[بلقيس الرشيدي]

الصَباح لحنُ هَذَا الإمتاع !
يِصح إحساسك والبَنان يامطر .

 

[عبود القحطاني]

صباحك نور.
الرائع محمد الناصر الشهري

من الشعراء القله الذي يطوعون الحرف
ليكتب لهم سحراً
الله عليك
هنا شعر.
تشرفت اخي بمتابعتك
تقبل تقديري

 

[ريهام العتيق]

ياطير ودّي الحين أرجع وانا صْغير ..
واحضن أبوي .. الله يسقي وانا غرّ !

محمد الشهري
ليتها تتحقق الأماني
كم هي جميلة ومؤلمة بنفس الوقت
سأتابع كل حروفك هنا
كل الشكر . واكثر

 

[رزان سالم]

محمد الناصر الشهري
يعجز التعبيرامام هذا الحضور الباذخ
تقبل مروري ومتابعتي الدائمة
أختك رزان

 

[عبدالإله المالك]

صباحك خير ونور وعطور يا محمد
حضور اسمك وقراءة شعرك تبهج الناظر وتسر الخاطر
مبهج في طرحك
تقبل الود