مرجحه ... على هاوية الشعر ..

[عبدالله فليج]

كل من ورثت الشعر منهم .. استقاموا عنه

إلا أنا


ما زلت اتمرجح على هاويته ..

 

[عبدالله فليج]

مات أجمل البوح في صدري ولا قلته
كن القصايد هجير وصمتي ظلالـــي

أبـبتسم للقدر ... لونــي تثاقلتـــه
أنا رضيت المفارق .. فالك وفالـي

 

[عبدالله فليج]

بين هوجاس القصيد وضيق قافه
خلنّي ماني على حالي مخيــّر

الحضور أكثر من غيابك أخافـه
لأني ادري بعدها احساسك تغيـّر

 

[عبدالله فليج]

كن البشر مثل طبع اوراقي الخرسا
على كثر ما يسير الليل بـ اشعاري

الناس لحظه شعوري تسمع وتنسآ
صعبه يحس بـ عميق جروحي القاري

 

[عبدالله فليج]

لو ضامك الترحال صدري لك الحِل
وشمسك يبه لو زاد ليلك كئآبــه

كل انحنائه للبشر تعني الذِل
إلا انحنائي لك غرور ومهابـه

 

[عبدالله فليج]

أنتي غيابك ذنب ما عنْه تبرير
وأنا ضلوعي من الفراق استباحت

لو الليالي غصن احاسيسي الطير
ادناة ذكرى للمواليف نـــاحـــت