وســـم

[نهار بن ممدوح]

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياقصيدي وأنت مثل الشمس شارق=وللنجاح ظروف واسباب وعوامل
والله انك بالفكر والطرح فارق=بس وين اللي مع الشعر يتعامل
بالعذوبه واصدق الاحساس غارق=متّـزن بالمحتوى والطرح شامل
سهل في مبناك وبمعناك خارق=بس ياصعبك على بعض الأنامل
ويوم غصنك بالثرى والروح وارق=عابي(ن) لك من ورى صدري معامل
لاطرقني من هجوس الوقت طارق=احيي المعنى بعد ماكان خامل
وان لقيت الغفل حطّيت المطارق=ومايمثل هاجسي والوسم كامل
في طروق النظم ترّكز لك بيارق=ولو ابي غنيت بك عرضه وزامل
مااقول اني على الشعار مارق=يزخر الميدان بجمال المحامل
فيه ناسٍ بالمغارب والمشارق=شعرهم مثل الصخر عالي وصامل
بس قصدي من يحبون المدارق=كبرهم لاشفتهم واللبس سامل
يارصيدي لايهمّك كل سارق= أنت حدّ اليا عترض لك كل هامل
ماعليك من المحابا والمزارق=أنت مجدك مابنيته بالمجامل
لو نخايل بالليالي كل بارق=والله أن الحيل لتعوّد حوامل
[/poem]

شعر/ نهار بن ممدوح