في بلادي !!

[فهد دوحان]

:


في بلادي !!




في بلادي :
للبحر معنى ومغنى
للبوادي ،
والايادي البيض ،
وجباه الرجال السمر ،
في ظهر البحر والبر
تاريخ ومدى له الف معنى !

يابلادي :
يارفيف الحلم بعيوني
ويا أجمل سهادي !
علميني:
كيف احب اكثر ثراك الطيب المعجون
بافراح وقصايد شعر
مافيها خيوط بشوت وشرهات وعيادي!

علميني:
كيف اذا ضاقت علي الارض :
اشتاقك واشوفك اقرب الاشياء
في روحي
ومن روحي وانادي !!



في بلادي
كل ما يخطر على بالك
– وما لا يخطر فـ بالك –
طبيعي جدا
ومقبول
وعادي !

في بلادي الطيبة :
بعض الوجيه الكالحة تشرب من عروق العطاشا
كل قطرات البحر والرمل
وذرات البوادي!!

في بلادي :
كل شي جايز وممكن
الا تصير انسان ما يقتات لحمك :
تاجر ،
وسمسار ،
ورئيسك المستورد
المكلف كثير
المبتسم لك عن معاني ( مزعجة )
صفرا
تموت برملها
وهو يضحك وهادي !!

وصل للمرتبة الــ اذكر بعيدة للسما
خصوصا تَحت بند :
الحـْرمَنـَة
وهذا الامر :
عادي !!

في بلادي :
بَعْضنا مليان بالحزن الشفيف
وممتلي بالــ آه كاسه!
وبَعْضنا خافوا
من الضغط بسبب
ملح المكسرات الفاخرة


ولا يموتون بتجلط الفرحة
بسبب كثر الوناسة !!

يا بلادي :
يا علم رفرف جناحه فوق هامات الرجال الطيبين
الواقفين بصمت في طابور :
لايمكن قياسه !

يا بلد ما ينكرك إلا عدو ( ملعون ساسة ) !!
وما يشيلك فوق راسه :
غير أهل دارك إذا اشتد التعب :
وشافوا بالعطا راحة ضمير
إذا اشتكى الموجوع : باسه!

خايف الليلة اموت بضحك
من كثر الوناسة !!

إحذف المعنى
ودوس فـ بطن ابو اللي خلفوه
استثمر اقدامك
بدل اقلامك
وحاول تمشيها – بقصيدة مدح – دبرها
وتوكل ادخل ( جوقة النادي )
صحيح الاحتياط اطارات المراكب
لكن اللي اكثر من الاطارات
الشعر :
اذا كنت الوحيد وكم وحيد يشاركونك الوحدة الى هذا النهار
ترتبون الذائقة المليانة بمخلفات اكثر جماهير الكره
ولا زالت مباراة الشعر
من غير لاهذا ولا هذا ولا هذا الأخ الجالس
من المفروض يعرف ان اللي يصير فـ مهرجانات الشعر
اشبه بما لايمكن الا إنه هو المعني
باسواق النخاسة !!

ضجت الانفس بريحتها الكريهة العفنة
ومع ذلك :

ابارك لك على الانجاز جدا :
يا بلادي !!

:

( 2 )

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ان كنت ما تقدر بداخـِلـْه تدفى=ماهو وطن هذا بلاشك منفى
ان ماحضن روحك وحسيت به روح=اصرخ باقصى روحك وقول : تكفا !![/poem]