(( جـيّـة ودااااااع ))

[ثاني الدهمشي]

قصيدة أتواصل بها وهي بمثابة الإعتذار
لـ من أزعجه غيابي ..

.



توليعـة المشتــاق .. تـلويعـه
…………………أبطـيت عنّـي وابتـدى خـوفي
يا مأمَن احســــاسي وترويعه
…………………يا مبتـكـر ترنيــمة حـروفي
ويّـاك أعيش بـ متــعة الضيعه
…………………يعني : لغيـرك معـلن عـزوفي
وين الوعـد ؟.. والا نوى الـبيعه
…………………قلـبك ؟.. وانا خـابرْه لي يوفي
طبّـق شهـر يـومٍ ذعـاذيـعه
…………………هبّـة عليّ .. وقــدّر ظـروفي
جابـك معـه بأوّل مطالــيعه
…………………وبشّـرت بقـدومك علي جـوفي
وارتاب جـوفي قلت : ما اطـيعه
…………………حتى ولـو هــو يربك وْقـوفي
جيّـة وداعٍ.. صعــب تطـليعه
…………………من فمْك ..كيف تشـيله كـتوفي؟
ودمـعك لمعْ حـاولت ترجـيعه
…………………حرصاً على عـدم سمـاع اوفي
ما ودّ قلبــي.. بس تطـويعه
…………………غصبٍ عليه ضلـوعي سيــوفي
وكل شي يجوز ان جاز تشريعه
…………………إلا وداعٍ يجـلب حتـــــوفي
وكانك صملت ارجـوك لا تْذيعه
…………………يمـكن تزور طيـوفك طــيوفي
هاك الكفـوف .. وسـوّ توديعه
…………………ما يحـتمل توديعــتك شـوفي
عيِّـش كفـوفي قمـّة الضيعه
…………………وان رحت.. ابرجع وآخذ كـفوفي

.
(هاك)=( خذ )
.

 

[محسن الدويخ]

الاخ ثاني الدهمشي

روعة حضورك الغت وحشة غيابك

نص جميل .. وحضور راقي

الاخ ثاني

لا يطول الغياب مره اخري

دمت بخير

 

[عبدالعزيز رشيد]

[متعة الضيعه]
وهذا بالفعل سرّ جمال النصّ
كان وصف القرب بالروح والبعد بالجسد متقن
ولذّة البعد وعذاباته وواقعه كان مصوّرا بـ جمال هنا
الجميل\ثاني
ألف تحيّة لـ وجودك

 

[ميــرال]

ثاني الدهمشي

يااما كذا الشعر ولا بلاه

نص ممتع

اسعدني تواجدي هنا

مساك ود

 

[خالد العقيل]

ثاني الدهمشي
سعيد بــ مروري هنا
دمت بــ هذا الجمال
تقديري

 

[محمد السالم]

الحبيب ثاني


اين ما اجدك اجد المتعة


لك خطك المستقيم

الذي اعشق معانقته


لك ودي ايها الرائع

 

[غنج نجد]

ثاني الدهمشي

منسكبــ .. كالمطر ..
وهنـا ... رذاذ عـطر ... وفخامـــة شعر

وطن جوري لقلبكـ
وصح الله لسانك مدد


اختك

غنج نجد

 

[فالح الدهمان]

ياسلام



ياسلام



ثانى قلت وابدعت


ولكن اسمح لى بهالملاحظه

انت قتلت بيت فى هالقصيده

البيت الاخير

المفروض يكون كذا


هاك الكفوف وسو توديعه ... وان رحت ابرجع وآخذ كفوفى

وشطر عيش كفوفى واللى قبله ينحذفون


هذا راييى

واسمح لى على تطفلى

والقصيده والله رائعه


احترامى وتقديرى