أغليك ايوا

[عبدالملك البلوشي]

صباح الخير إن كان صباحاً ومساء الخير إن كان مساءً

نص: أغليك ايوا ..

أغليك ايوا !! ليش اصلا م أغليك

دامك سكنت أحشاء قلبي لحالك

بعطيك عمري وكل حياتي وبخليك

ما بين عيني لين ألقى وصالك

من عام وأنت ناكرني واخليك

والصد واضح من طريقة سؤالك

زعلان قلّي .. والله إني لراضيك

بس لا تخيب هجوة الي وفالك

اليوم جاي وتسأل اللي يحاتيك

ما تدري بأنه "هوّه" يالي ف بالك

أغليك ولله والله يشهد أناديك

في كل حلم يمرني به خيالك

أبغيك تهمس في آذوني وحاكيك

واقول مالي في حياتي بدالك

خذني حبيبي .. كأي حاجة حواليك

محتاج قربك حطني تحت شالك

ودي أضمك واندثربك ودفيك

وافرش ضلوعي وانغمس في جمالك

ابيع عمري وكل سنيني و اشريك

بس انت مدري ويش اللي جرى لك

العام سهله لا بغيتك ألاجيك

واليوم مسمع حتى صوت إتصالك

معذور والله والله يدري ويش الفيك

ماهي علومك من تردى وصالك

يمكن لقيت اللي تحبه ويراعيك

ويمكن يحبك وكل جوه صفالك

حسبي على الي من حنانه يرويك

مايدري بأني من تجافيك هالك

كانك بغيت تذبني بيه يمديك

كلي فداك وإعتبرني حلالك

حاولت أجيبك وعتنيبك وداريك

جبتك ولكن انكسرت بسؤالك

أغليك والله .. ليش تبغي أجافيك

يا ريت أقدر وافسح لك مجالك

استأذنك لحضه حبيبي بوديك

داخل شراييني تطمن ف حالك

وإن شفتني ماني عن الكل مغليك

عندك خفوجي إذبح اللي بدالك

 

[عبدالإله المالك]

رياح الشعر تهب من ساحل عُمان

فأهلا بها وبما حملت ..

ورد وأقحوان لروحك يا عبدالملك

 

[إيمان محمد ديب طهماز]

عبد الملك قصيدة تفوح احساساً و روعة ...
سلمت أناملك

 

[ميــرال]

يسلم حرفك واحساسك
قصيده عذبه جدا

 

[عبدالملك البلوشي]

المشاركة الأصلية كتبت بواسطة عبدالإله المالك

رياح الشعر تهب من ساحل عُمان

فأهلا بها وبما حملت ..

ورد وأقحوان لروحك يا عبدالملك

لك كل الود أخي العزيز

شكرا لتلك الورود

 

[عبدالملك البلوشي]

المشاركة الأصلية كتبت بواسطة إيمان محمد ديب

عبد الملك قصيدة تفوح احساساً و روعة ...
سلمت أناملك

شكرا لك أختي

مرورك من هنا شرف لي

لك الود

 

[عبدالملك البلوشي]

المشاركة الأصلية كتبت بواسطة ميــرال

يسلم حرفك واحساسك
قصيده عذبه جدا

مرورك العذب ميرال

لك كل الود

 

[صالح العجيمي]

عبدالملك البلوشي .....

•
•
•

سلم بوحك وسلمت روحك ...
نص جميل جداً يا عبدالملك ..

سلمت الانامل ودام الفكر ..


تقبل مروري ..