الله حسيبي ..!

[ندى الجبر]

"

- هيَ بين أيديكم ،
وليست تليق ..
إعذروها ، واجعلوها تعبُر ..
للتواصل مع أرواحكم / فقط ..
مع كامل الودّ ..

ربي حسيب العنا والجَرْح و الذلّة ..
......................... والله حسيبي على الطيبة .. و آمالي
البسمة اللي تكذّب دمعتي : زَلّة
......................... والطيبة اللي توافيني لـ غربالي
وجيوش حزني تشيل الهم وتسلّه
......................... بالعبرة اللي تبارز فيني أحوالي
خَلّه شعوري يبور و هَـ الألم خَلّه
......................... يعصر بقايا غلاك ..و يسقي أوصالي
كنت الهنا اللي يمرّ القلب ويبلّه
......................... صرت العَنا اللي يسامرني و يصفى لي
الكل فيني يشوفك ، يومك الـ حُلَّة
......................... ياليت جرحك مخلّيني على فالي
هواك قلبٍ سقيت عروقه العِلَّة
......................... ماكان أرحم لو إنّك تاركه سالي .!
آويتك من الهجير وصرت لك ظِلَّه
......................... و اليوم إنت الهجير اللي محَى ظلالي .!
درب التجنّي أعرفه بس ماادلّه
.........................عشت آتصدّد عن اللوعة و عذالي
و الحين مالي خفوقٍ يحتري خِلّه
......................... الحين صوتي حزين و مُعْدَم و بالي
و لا فيه شيٍّ يداويني أبوصل له
......................... عزّاه صوتي مَ عاد يجرّ موَّالي
وِمْن الندامة .. خفوقي مرتوي كلّه
......................... ومن الحسافة .. بردّ آعيد من تالي ..
ربي حسيب العنا والحزن والذلّة ..
......................... والله حسيبي على الطيبة .. و غربالي ..!

ياعيوني ..
طالما قلبه نسى الحبّ و عهوده
طالما خابت ظنوني ..!
قولي للنسيان والأحزان كونوا
و انتي كوني ..
أول اللي يبكي من فرقا حبيب
أكبر اللي طاح .. من طعنة نصيب..!
أصدق اللي يَحْلَم بحبّ و يغيب ..
إيه غيبي ..
وابكي لو هزّك نحيبي ..
طهّري ببْكاك قلبي من هواه ..
عوّدي جفني يغمّض ، و يْعَصَاه
شوقي المجنون لامرّ و سرقني
من غيابي ، من تراتيل النجاة
إبكي عيني ..
إروي بالدمع الكفوف اللي يْبِسَت
لوّحت للغايب اللي ماوفا
بالوفا
ياكثر ماهي لوّحت
والهوا ينْحَت بأصابيعي نحت
ولا رجع لي ولا وفا ..!
غاب عنّك ،
مدري أغراه الجفا
إبكي عيني .. كمّليني
فيك أشوف الحزن أجمل ،
وفيك تكمل ..
قصة العشق القديم اللي وفيتي له كثيييير
وماتمهّل ..
يجرحك ، يستنزف إحساسك .. يجور
وبالنهاااااااااية : عنْك يرحل .!
إبكي عيني ، أنقذيني
لملميني .. طهّريني
ألهميني ..
إبكي عيني
وإسسسسمعيني :

ياعيوني لاتطيلين العناق ..................
للدموع اللي تبي تنزل عليه
اطلقيها دام فيها الحزن .. لاق..................
افهمي من عاف وصلك واهجريه
بينك وبين الوفا نصّ اتفاق..................
تسترينه فيك ، ويردّ الوجيه ..
مير وصلك ، والمحبّة و الوفاق ..................
ارْخصوا عند الذي شوفك يبيه
انقضي عهدك و جوري دام ضاق ..................
خافق الغايب عن الحبّ ونسيه
ياعيوني دام حزنك إنعتاق ..................
من هواه أرجوووك جودي وابذليه
احزني والباس مشدود الوثاق ..................
ياعيوني قلبي طيّب ، ماعليه .!
أدري بك مبداك ف الحبّ اعتناق ..................
أدري بك تَهْوين بالعُرْف النزيه
إيييييه أدري شامخة ، بس استفاق ..................
فيني جرحي، إبكي عيني : ضمّديه
تشبه دموعك وقار اللي يُراق ..................
دمعه الغالي على مرأى بَنِيه .!
ويشبه إحساسي ليا لاح الفراق ..................
خوف طفلٍ شاف موتة والديه
وكنّه غيابه .. خيانات الرفاق ..................
وانتي عيني : أصدق اللي يحتريه .!

للعابرين العابقين - -

.

 

[أماني الثابت]

وِمْن الندامة .. خفوقي مرتوي كلّه
......................... ومن الحسافة .. بردّ آعيد من تالي ..
ربي حسيب العنا والحزن والذلّة ..
......................... والله حسيبي على الطيبة .. و غربالي ..!



الله الله عليك رائعه
صح قلبك

 

[ندى الجبر]

المشاركة الأصلية كتبت بواسطة أماني الثابت

وِمْن الندامة .. خفوقي مرتوي كلّه
......................... ومن الحسافة .. بردّ آعيد من تالي ..
ربي حسيب العنا والحزن والذلّة ..
......................... والله حسيبي على الطيبة .. و غربالي ..!



الله الله عليك رائعه
صح قلبك

ولهذا التواجد الأول السَّبّاق .. روعته بقدر ابتهاجي به ياأماني ..
صحّت روحك ، وكلّك أختي
شكراً من القلب والله

.

 

[سعيد الموسى]

ندى الجبر /
وهذا الشعر الشعور .. عزفة ناي !
وكأنك تعزفين الحزن على سلالم موسيقية .. تجعل من الإحساس وطناً !
ومِن الوطن ... نشيد ٌ مُربك !
مُربك جداً !
*
*
شكراً ياندى .

 

[ندى الجبر]

المشاركة الأصلية كتبت بواسطة سعيد موسى

ندى الجبر /
وهذا الشعر الشعور .. عزفة ناي !
وكأنك تعزفين الحزن على سلالم موسيقية .. تجعل من الإحساس وطناً !
ومِن الوطن ... نشيد ٌ مُربك !
مُربك جداً !
*
*
شكراً ياندى .

بقدر ارتباكهِ وَ حزنه و عميق إنشاده : أشكرك ..
وأمتنّ لهذا الحضور / الحبور يا سعيد ..

تواجد أمثالك هو من يجعل لحنها مُغايراً و مُطرِباً..

الله يسعدك

 

[وديع الأحمدي]

ندى الجبر ,

صباحك نديّ بالشعر ,,
حقيقة أكثر من التقاطة ملفتة للانتباه ,
والاحساس كان بروازا أنيقا لتلك الالتقاطات ,
حديث جميل للذائقة هنا ,
دمت ألقة يا ندى




تحاياي

 

[ندى الجبر]

المشاركة الأصلية كتبت بواسطة وديع الأحمدي

ندى الجبر ,

صباحك نديّ بالشعر ,,
حقيقة أكثر من التقاطة ملفتة للانتباه ,
والاحساس كان بروازا أنيقا لتلك الالتقاطات ,
حديث جميل للذائقة هنا ,
دمت ألقة يا ندى
تحاياي

وكلّ صباحاتك برضا الرحمن تزدحم يا وديع ..
هذا الحضور تنتظره وتترقّبه ندى الجبر في كلّ قصيدة لها


دام حسّك ياأخوي ..
ألف شكر ..

.

 

[عبدالله العويمر]

الكل فيني يشوفك ، يومك الـ حُلَّة
......................... ياليت جرحك مخلّيني على فالي
هواك قلبٍ سقيت عروقه العِلَّة
......................... ماكان أرحم لو إنّك تاركه سالي .!
آويتك من الهجير وصرت لك ظِلَّه
......................... و اليوم إنت الهجير اللي محَى ظلالي .!
درب التجنّي أعرفه بس ماادلّه
.........................عشت آتصدّد عن اللوعة و عذالي


نَدى
ولك ِ من اسمُك ِ نَصِيْب

حُضُورٌ يجْعَل ُ من الغِيَاب ِ نسْياً منْسيّا!

فاتِنه ، وأكثَر