سالفة فيني تمر!!
خميس السلطي**
(لقلوبكم: من بعد الغياب .. اللاغياب .. للأحبة هنا .. للأخوة الأصدقاء )
السالفة فيني تمر!!!
مرة تقول :
من يلوم الليل إذا فل الوهن للريح
من يلوم الوقت إذا خان وكفّر التسبيح
لأجل وش هوْ؟!
لأجل جرح الوهم هذا!!
والعطاء يجود من الحياة الصلف
العطاء موجود والحقيقة عُرف
كلنا نعبث ونرقى .. لاجل نرقى
ما لنا بس غير نرقى .. والوجوه تطيح!!
والحياة آآآهات لأحلام وتناهيد غربة
كيف ترقى يالبخيل المُر .. والعطاء كُربة؟!!
والسالفة فيني تمر!!!
ظلت تقول:
في صحاري وجهي العاري .. قراري
كان شاحب ..وصار شاحب .. وظل شاحب
وما بها الدنيا صديق .. ما لي صاحب
هذا هو نبض المكان .. اللي فيني
صار وجهي .. ظلم من عتم المكان
كان يرسم للمساءات العتقية عنفوان
مكتوم فيني العنفوان ..
وظل عاري وجهي العابس زماااان
وبان فيني إنكساري!!
سالفة فيني تمر!!
جتني تقول:
ما يبل الريح الشح الكذوب
ما تبل الأرض آمال السراب
ما يبل الليل نورٍ من عدم
ما يبل الجرح من وصلك غيابك
ما يبل الهم صوتٍ من عذابك
وما أنا إلا وريدٍ من سرابك
سالفة فيني تمر!
ما تقول إلا حقيقة
من يلوم الليل إذا فل الوهن للريح
من يلوم الوقت إذا خان وكفّر التسبيح!!
آخر المشاركات
03-14-2010, 06:11 PM
لقلوبكم: من بعد الغياب .. اللاغياب .. سالفة فيني تمر!!!
العرض الشجري