رسالة الى

[عبدالله البطي]

المطر والليل بجفونك وداع
كانت اخر نظرتين بكلمتين
قال باوادع وقلت اكبر ضياع
للحقيقه للصراحه للحنين
للامل للحب لاجروحي تباع
كيف باعتك الليالي والسنين
تدري انك صدق ازهاهم طباع
انت كل الناس والباقين مين !
شمعة وسالت على الظلمه وماع-
نورها - احيا قلوب الغافلين
لو ورى لحد الاراضين الوساع
قالوا انك صرت ضمن الراحين
انت تنبت ورد بحداق الرياع
في جنانك يسكنون الخالدين

بقلمي
سلمان في سطر

 

[عبدالله البطي]

انتصفت احساس في مفرق طريق
في دهاليز المئاسي والعبر
لو تصدق كنت انا فعلا غريق
بين امر وبين اوقف وانتظر

 

[عبدالله البطي]

انهزامي للسهر :؛

اتعجب يا عيوني كيف يغريك السهر
كيف شحت للكرى حلو المنامات السعيده
وانتي في نعمة نظرك وماتعرفين القهر
واعرف انك مابكيتي غير في حاجة مفيده
دامني عندك رزين وماانكسرت من الدهر
وش يحدك لا بكيتي للعواصيف الشديده
كل ماشفتي غريب يمر هليتي نهر
ماتخافين الفضايح تتركك عقبي وحيده
قلت حزن اسبوع يمضي وانتي اسبوع وشهر
صرتي المرمى لعذابي في يدين الوقت صيده


عبدالله

 

[عبدالله البطي]

عن الكذب صميت الاذان وقطعت الداب
انا المزح ما احبه ولا الزيف يزهالي
تقولون فالدنيا خذوا فالحياة القاب
انا ما اتبع الالقاب لو هي تعنالي
صحيح العمر عشته وانا ما اجمع الاصحاب
لان اكثر الي شفت ماهم على بالي
انا لي رفيقً مثل عبرودة الشباب
الا من لفاني هم شفته تهيالي
نصايح حياتي كل ماكشرت بالناب
تقول انه يهدي على نفسي وحالي
صحيح العلاقه بيننا تنتقل بكتاب
لو انه بعيد اقرب من الجسم لظلالي
لكني احسه اقرب من ألنفس لا جاب
صدى صوته الغالي على رقم جوالي
تبي تسمع الدعبيل والكلب واللعاب
وتبي تقبل الرديان من كل حيالي
وتبي فالحياة تشوف من يدعي باعجاب
وهو حيةً رقطا يبي فج له خالي
عرفنا وجيه الناس والصادق الكذاب
نميز ملامحها على الميسم الصالي
احب اليتيم وله بقلبي بدون اسباب
معزه لو انه لاولد عمي ولا خالي
(علي الحرام ان الوفا مات تحت اتراب
اخوي الكريم الطيب الوافي الغالي )

بقلمي
عبدالله

 

[عبدالله البطي]

تجلت ليلة البارح وناظرت السنين بعين
وانا واقف ! على حد الشعور ارتب اوراقي
على رحلة نويت اقطع لها الايام بالتخمين
لو ان اصعب تذاكرها سكوت العمر باحداقي
ضجيج الحي والشارع وعامل حينا المسكين
تعب يلقط من اوجاع الاماني همه الشاقي
وانا في ساحة الدنيا موادع ناس مدري وين
وانا مادري وش الي تم من عمري وش الباقي
كتاباتي على شرفة لقانا يا هوى تشرين
لو ان الصيحه ابريل ودموع ابريل باعماقي
انا خفت المسا اذكر ظلامه يجرح النسرين
ياليت ظنوني اكثرها مهي مثل الذي هاقي
هنا سجادتي تنقل سجودي للسما بامين
وانا ما املك ورى المكتوب غير الدمع واشواقي
مقاهينا ، وصوت الناي ومساعد وكوب التين
ونايف والبدر وانغام وكوز الورد والساقي
وابفتح قوس لوداعك واسكر قوسي بتضمين
( انا ماشفت فالدنيا مثل احساسك الراقي )