•
بين تلويحة حضورك والغياب
إنتظرتك لين باغتني ظُما
بين هذا الدرب ..ودروبك سراب
كنت أخيله ( ماء ) واثره ما هو ( ما )
بين شرهات المفارق والعتاب
ضاقت أنفاسي وِيَمَّمْت السّما
يمكن ألقى في مواعيدك سحاب
مالقيت إلا جفافك والعمى
جيت أدوّر في تفاصيلك جواب
للسؤال اللي على غصني نِما
ليه أحبك ؟! رغم هذا الاغتراب
لا وطن صدرك .. ولا فيك انتما
جعل قلبي يوم حَبَّكْ لَذَّهاب
طفلةٍ غضة وتغريها الدُمى
أحسب ان الحب ألعاب وثياب
ياخسارة كل دمعٍ بي همى
بيني وبينك بقفّل ألف باب
رُبَّما لَوْ عُدْتَ يوماً .. رُبَّما
أتذكّر كل لحظات العذاب
وارمي المفتاح وارجع مِثْلَما
كِنتْ وَحْدي .. واتولّم للغياب
واكسر بقلبي اذا فيك ارتمى
29 يوليو 2023