وَأَفئِدَتُهُم هَواءٌ
واية عن نحيب الصدر يمكن تجبر اضلوعك
مثل يعقوب كم مره بكى بالله كم مره !
وحق المسلم ان سلم يردونه على اسلامه
واذا يحزن حقوق الله عليكم صدق تجبيره
القصيدة
كثير اشياء كذابه قناع الزيف والاعذار
وضحكه في دموع الفقد كانت فعلن اجابه
تقولون الشعور ابلغ وش الابلغ اذا ماصار
على ماتحكي الدمعه تحقق شي لاعجابه
اياديكم قصيره مابها للعز والمقدار.
قدور الكذب ممليه وبطن الكذب جلابه
لقيت الله سبحانه لطيف وشق للابصار
فراسة مؤمن ويعرف هديل الصوت وغرابه
تبسم ياجسد واطلع طلوعك فالسماء واختار
وخالف في موازين القصايد كسره ونابه
تخيير فالكراسي وين ماترضى ولاتحتار
مدام الباب هو بابك وبابك بامرك حجابه
تباهلنا ثلاثه في نزاع الراي والادوار
وطرنا اثنين فالجنة وشفته يمسك اكتابه
واذا ينعق غراب الارض قولوله دروك النار
قريبه لو تباعدها بطول العمر واسبابه
اعزي جمرة اضلوعي وسر الليل والافكار
واعزي هاتف الجوال وخط الحرف واصحابه
واعزيكم على ليلة بها دمع العيون امطار
واعزيكم على مابي على ماصار بغيابه
واعزي اول الفقد العسير وخاطره وامرار
تجازعها ورى ذاك السرير وصدح لعتابه
واعزي كل قلبن حي مايتعب من الاصرار
واعزي مبهم الاشياء وابهامه وسبابه
واعزي كرسي الباب الكبير ونقطة الانذار
واعزي بس عبدالله على ماجاه ما صابه
نايف