[عبدالناصر السديري]

	الى ابي سعيد بن حمد ( رحمه الله) / الموت ما يرقى القصيدة… ! .. هالليل طاح وطاحت عظامي ما طحت من كتفي .! اعطي سماري الناس امشي رمادي اتبع جذور اسمك احضنه مع نفسي كنّي أنا اللي مت وكنك معي البارح اتذكرك عشب الكلام فبيتنا الساكت صليت بعروقي الضحى علقتني بدمي دمي حديث اغراب مروا على دمعي دمعي بيوت وناس لو ينهشوا ظلي ما همني ظلي راحوا واناديهم ياعابرً مر بفمي انشدك عن نوقي ………………… كم حدها ذيك الحناجر حادي الكلمة ليت الكلام يشلّني واهرب من عروقي ………… .… ليت الكلام يشلّني وتعشب بي الظلمه شايل دمي في يدي مرعوب من شوقي ……… ..……… مر الزمان ولا خلد صافيه في سلمه اكبر مع العمر بايع واغترب سوقي ………………… ...ف جيوبي الريح والايام في علمه أمشي على قلبي فيه النخل ساكت وطعم السوالف مرررر مابيني ونفسي اجمع من جروحي الكلام واجرح مدى الكلمة كفي خيام وليل لعابر طرق وجهي .. ما قلتلي ان الكرم (حاجه) وأن الوعد ( رجال) وأن الفقر ( حكمه) وأن السنين ( احوال) وأن الفرج طينه حزن واصعب من الحاجه السؤال لو قلتلي . ان الصور ورد وخناجر وأن المفارق موووووت وأن الفنا فكره ( تحيا واموووووت) لو ق ل ت ل ي… .. اوقف على قبرك كنّي القبر وكنّه علي حارس مايشبه الدنيا كنّه سحاب وباب ماحد عرف بعده تلمس كفوفي الموت وف الجرح نار بدوي لو مرها اسمك لو مرها طاريك لو طاح فيها الليل ما طحت من كتفي…