((عذاب الغنادير))
من يوم شفتك ياعذاب الغنادير
وأنا عيوني تسرق النوم...سرقة
أنوح كالبهلول وسط....البيازير
ولنوحتي ناحت على الغصن ورقة
قبلك أظن الحب جملة أساطير
وسوالف العشاق أحلام ...غرقى
لين ادلهمت من عيونك طوابير
أستعمرت قلبي ..وميدان شرقه
عذرت من باتت عيونه.. نواطير
يرعى نجوم الليل ..بدموع زرقة
يا سيدة حلمي تراك ..التباشير
انتي ربيع الحب غيمه .. وبرقه
انتي جنون الشعر وأعذب تعابير
انتي غرام الصب وأنفاس حرقة
عليك قلبي كل مارفرف الطير
يهيج فيه الشوق ويسيح عرقه
حبك لعب مثل لعب الأعاصير
معاك ما ينفع مدارى ..ودرقة
ياليتني بقلبك واحساسك النير
وياليت ربي ما خلق يوم فرقى
...... كريم العفيدلي