هناك أبواب
تتسكر
وتنبت في ملامحها
عيون من الجفا تدمع
تموت بخدرة الأهداب
وتفتح للغدر أبواب
وتتعكر
مزاجات الوفا والطيب والراحه
وتمشي في دروب من الألم
وتضيع بجراحه
وتتبختر
على همي
وتنفث كل سموم الضيق
في دمي
وتنثر بالصدر همين
تنام بضيق أنفاسي
وتتوسد وجع راسي
وترسم للوجع أهداب
تغطيني وانا مسجون
في سجن الصاحب المغبون
من أصحابه
من احبابه
من اللي شرع أبوابه
لأجل يبقون
لأجل يوفون
ولكن الغدر فيهم
بدا يكبر
بدا يغتر
بدا بصوته يناديهم
ينادي / هم
يجون ويجتمع فيهم
وفا يشبه أساميهم
أسى/ ميهم
حروف كتاب
هناك أبواب تتسكر
وتفتح للغدر أبواب
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تموت الروح تتلاشى وتنبت بالكفوف أرواح = وأسافر في متاهات الحنين لضحكة أخواني
فتحت الباب للضحكة تقابلني أسى ورماح = يا ليت الباب سكرته عشان أعيش وحداني
اشوف الحال وأتمنى عسى بعد العنا أرتاح = وأسأل يا [ أنا ] ويني إذا دورت ملقاني
كذا عايش كما أسمي لبسته بالضمير وشاح = أصب النور في كاس الظلام وأشرب ألواني
يمر الليل وأطراف الصباح يمرني سواح = وأنا ليلي سواد وظلمة الأيام خلاني
أشوف الشمس واستغرب حقيقة نورها وضاح ؟ = نطرته من بعد فجر الحزن والنور ما جاني
ثلاثين العمر مرت وأنا بأرض الحزن فلاح = جفاف اللي جنيته واليباس يلون أغصاني
قهر خيط لي ثيابي مخابيها شقا وجراح = أمد الكف في جيب الشتات وتطلع احزاني
يا عمي هالزمن قاسي لعب في مشرط الجراح = تخيل مشرطه ريشه تفنن حيل وادماني
سواد العين يبكيني على خد البياض وساح = ألم ] يشبه دموع من المناجل تحصد أجفاني
رفيق الأمس وأصحابه خسارتهم تصير أرباح = لأني واقف بوجه الخيانة وأرفض الجاني
حمدت الله لوقوفي بعد ما تمتوها طاح = وأنا ما طحت لكني رضيت الطيب عنواني
تشوفون اني أتظاهر أقَضِي هالليال مزاح = وأنا من داخل أتعذب مابين الجرح والثاني
إذا تسأل عن أحوالي قسم بالله مو مرتاح = تجمع كل شقا الدنيا بوسط البال وأشقاني
صدى الأفراح يتبدل ويتحول إلى افــ / راح = ويأخذني مع غمي لنفس الباب وداني
قفلت الباب وأوصدته رميت بوجهه المفتاح = حزين ولا رضيت الا أعيش بهمي وأنساني[/POEM]
تهب الريح ما يبقى
سوى كفين يمليهم
أمل من آخر الحاره
ينادي يا بدر وقف
وأدورني وسط كفي
ولا ألقى سوى شارع
ينادي والصدى [ نافع ]