[poem=font="mudir mt,5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مابقى للحلم فيني جناحين ويطير = وما لوقتي فعل واحد جميل ف ذمتي
احترفت مصارع الوقت من عادي صغير = كان همّي في بقائي ولمّة عيلتي
أذكر اني كنت واعي ولي حلمٍ كبير = إرتبك في الأولويات وأربك همّتي
وكانت الوحدة نهاية بعَد طول المسير = واستطاع الياس يقنع شقاي ب وحدتي
واختلست من الزمن ركن وكتاب وحصير = أقسم لحلمي حصيري , منامي , لقمتي
وجيتني نسمة هوا باردة عقب الهجير = عقب ولّى أكثر العمر يطرد بسمتي
ليه جيت تحطني بوجه تحديد المصير = كنت حاير قبل اعرفك وزادت حيرتي
ليه واقف بين ( صحوة وغيبوبة ) ضمير = ليه تمشي ألف خطوة وتمنع خطوتي
الحقيقة غير والناس ماتعطيك خير =وفّر أسماعك عن الناس وإسمع كلمتي
يطوي النسيان ثاني وثالث والاخير = يا أكون أوّلْكْ , والاّ تجَنَّب عزتي
[/poem]