اقتباس:
المشاركة الأصلية كتبت بواسطة سعيد الموسى
-
إذن سأبدأ أنا - أستلم ياسليمان التمريرة :
-
جيتك هالمره - قرفان
يابو حمزه : وانت انسان !
وأنت أجمل : من هذا الشعر
واعرف إنك / مثل العطر !
خل أحكي لك
- لك تأويلك -
خل نروح لـ معنى آخر !
واقع " واقِع "
مين / نصارع !
ركّز - رمّز - هالأشياء
عندي بير / لهذا الماء :
مرّه مرّوني : أغراب - معهم طفل وشايل باب - ناس وإنس وماهم ناس !
هم خنّاس - من الوسواس :
معهم فاس - ومعهم كاس !
قالوا تغرف ؟ قلت " مجغرف "
قالوا تشرب ؟ قلت " مشرّب "
لما السُكْر / يكون الخمر !
كان المُسْكِر عندي : زهر !
حتى لساني / مايعصاني !
وجهي - جاهي / ماهو حصاني !
حتى أيديني : ماتنهاني - لازم تصبح " هي أوطاني "
منها - فيها - لو تجهلني : هيّ تجغرف لك عنواني !
قالوا : كم سعر الياقوت ؟
قلت الآن : بسعر الصوت !
مع أنه - عمّ الاحجار !
كيف نجيبه للسمّار ؟
لحظه - لحظه : في هالطاري
تذكر ساري ؟
تذكر قولي : كاس القاري ؟
شيّب ساري : ياسْليمان
شايف دقنه - يصبغ حزنه
يخبن شارب فمّه :
.. [ وزنه ] !
ساري حتّى : يموسق وجهه
ساري قفّى " ظهره "
لكن !
أزرى ماقفّى [ يديّنه ]
فعلٌ فعلٌ - فعلن : نبل !
مايؤمن في شدّ الحبل !
ياإنه -
درويش وخِبل !
أو إنه : ماعنده حَلّ !
أو يعني -
من ثوبه " مَلّ "
أو تتوقع :
___ ساري زَلّ ؟!
ياعمّي : ظَهره مجروح !
ساري صوته ..
مو : مسموح !
-
الله كم يوزن أوتاره ..
لاهي كرد - ولاهي رست
فيها جاز وفيها - حْجاز
فيها - إيجاز [ بيات ]
يبات !
ترخي - تاره / تعلو تاره
ساري :
لقّح / نخل أشعاره !
-
ساري سيّد :
شيخ وجيّد
عنده مبدأ -
مو متسيّد
ساري : مايعرف يتصيّد !
ساري : كلمه فيه / تعيّد !
[ أدري إنك / مثلَه جيّد ]
والشدّه عالياء : تشيّد !
|
ما اتوقع
ساري زل ...!
ساري ما وده يتقوقع
عنده مبدأ....
واجمل مبدأ...
صادق ما ودّه يتصيّد
لكن ساري له جنحان
ما ودّه لحظة يتقيّد
يا عالم خلوه بحاله
ما همه (مزنه ) او ( لين)
تذكر مزنه .. !
مزنه .. مزنه 😅
الله يسهل
الله يعين
ساري روحه داخل بير
نبض
وارض
وماء
وطين
لاهو وزن
ولاهو قاف
غصن الدهشة
اصبح جاف
لا تتمادى في التكوين
كاسة ساري
بيدي القاري
واحد يطعم كاسه سم
وواحد يلقى طعمه شهد
وواحد قبل يذوقه قال
توّه ساري
توه ساري
بدري انّه يسكب كاس
وساري ماله ومال الناس
ساري مَنْطَقْ كلمة مَنْطِق
يطفي يحرق يغرب يشرق
له جنحان وبيها يحلّق
لما يلاقي نفسه فوق
والله لو تنهد الدنيا
تحته
عنده ما عد تفرق
ساري روحه
داخل بير
لاهي وزن ولاهي قاف
وغصن الدهشة اصبح جاف
روحه تجري بدم الخير
فيه ومنه وعنه تفوح
حتى لو اصبح مجروح
.......
وخلوها ااا
كل وقت وله صوره وحاله
لا تغرّك ...... كثرة او عدد
الله الله
عنتر يبكي على اطلاله
وحنا نبكي فوق الهدد
........
يا سعيد بصدري عبره
مات امس بصوت بكره
خيرة الله.... لا اعتراض
فيني عبره
فيني عبره
ماسكة خط الرياض
كل هذي الذكريات بحلوها وبمرها
فجأه صحيت من سبات
بيوم شفنا قبرها