اقتباس:
المشاركة الأصلية كتبت بواسطة حسام المجلاد
ياصاحبة ليلٍ به مكابري نام
ماجيت يمك منتصر جيت مهزوم
جيت اعترف لك كل مافيني حطام
واكثر مشاويري من هموم لهموم
مابين ضحك مجامل وزيف هندام
كم قلت "انا طيّب" على حساب "مهموووم"
تدرين لو نحسب همومي بالارقام
يمكن تقولين السما حفنة نجوم
اللي يمرك من غرابيل في عام
يمرني شيٍ يساويه في يوم
تعبت اسيّل لـ أجل الأحلام الاقلام
والزمت نفسي شي ماهوب ملزوم
وسّمت من شوقي سككها بالاقدام
وعيّت علي والناس معطى ومحروم
أحفيت رجلي خلفها.. واثرها اوهام
اذنبت واستاهل على ذنبي اللوم
ذنبي حلمت وما دريت إن الأحلام
ماهيب من حقي سوى حزة النوم!
|
من الوريد نزفت شعرا
حسام سلم النبض