[عبدالعزيز الرميحي]

صاحبي لا تحسب لعثرة كلامي في لساني
.................. الحروف بلا دلاله مالها معنى وقيمه
لو تبي تحصي خطا الواقع يبي لك عقل ثاني
.................. الخطا مامن خطا لا صارت النيه سليمه
صاحبي جرب تكون بنظرتك ما انت بأناني
..........لا طلبك الضيق من وقت السعة نفس رحيمه
وش تبي غير انشراح البال مع طيب الأماني
.............. وش تبي غير انبلاج النور عن ليلة عتيمه
كان تفكيري على قدي كذا يالمودماني
...................ما نسجت من الخيال الا مبادئ العظيمة
قلت افكر واترك البوح يتسامى في كياني
........... قلت أحط ايدي على قلبي وانا روحي سقيمه
قلت اسابق ساعة التعبير في عزف المعاني
...................... قلت أطيب خاطر الفكره ولو تبدو عقيمه
من متى يفرح بنا الظاهر وباطنا يعاني
................. من متى ترسم ملامحنا حكايات غشيمه !
يومنا يشكي لنا اللي شاف من ظيم وهواني
...................ما يجي سفك الدموع الا على ذكرى اليمه
شوف واقع حال الامه وانت تعرف ليه أعاني
......................... يا خي العالم تجاوزنا وجاوزنا حطيمه
اتجاه البوصلة ينوي بنا ناس ومباني
.................. اول الإنسان وأخلاقه وبعدين الشكيمة
قالوا الصوره حقيقيه وقلت أيدين جاني
..................... قالوا الصبح الفضاء مشرق وقلت الليل ديمه
لم تغريب الحياء نفسه وصار الشر داني
.......................من هو اللي غير الصيغه ودقتها قديمه
صاحبي يبقى كلام تضيق به حدب المحاني
............ ما نزف حرفي جراح الا على وقع الهزيمه