في عيني اشوفك مدينة من احساس
اكبر بعد من كونها لي مدينة
انتي وطن والناس ما اعرف الناس
ما اعرف احد غيرك فتح لي يدينه
يلي عيونك ماس وايدينك الماس
كل ما ابتسمتي شاع نورك بعينه
تدرين وش الي بقا بين الاقواس
سؤال والي زف بوحه حنينه
سؤال خلي داله القلب محتاس
عقب الونس تسمع صياح لونينه
ماعاد تفرق! غبت في موجها ياس
شراعي كفوفك وكفك عوينه
راهنت بك في كل حاجه علي ساس
اثري بكف اقدار وانتي رهينه
ماكنت احسب وش يجي لين ماقاس
قلبي من اهوال الفواجع ضنينه
مثل الذي يلعب مباراة للكاس
الارض والجمهور حضوه ثمينه
لعبت لكن فرصتن جت بالراس
للخصم والوقت انتهي قدم عينه
بالله وش جابره يكتب لك احساس
بضلوعه العشره وبقصي كنينه
خوذي عهد ماعاد لي معك مجلاس
حرمت حبك بس احبك وادينه
متناقض وعندي من الحب وسواس
انا رواية! في حياتك حزينة
تبقي معي الاجيال قصة لهناس
عن واحدآ حبك وضاعت سنينة
%