[طلال بجاد]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قال إيش قال اليوم عيد الحبّ !=ياعمّي أصل الحب كله عيد !
لكن أنا مؤمن وفوقي ربّ=والعيد ذا ماهو لـ هل التوحيد !
ياقلب بأشواقك تدفّ وخبّ != أمنيتك العظمى بهاك الجيد
اللي ليا منّه تمايل هبّ=عطر الحجاز ودنّوا التنهيد !
خلٍ إذا إسمه بالقصايد دبّ= وقال الصغيّر للشويعر : عييييييد
تصير كل الناس ( هب ودبّ ) != وأصير أنا في هالزمان السيد !
أحلى الحكي من (شفــ ّتيه) يصَبّ != في قلب فارس حبه الصنديد !
خصٍ ليا جيته وأنا : منكبّ != عنده وبين يديه بالتحديد !
وأمطر عيوني بالرضا وأطربّ := قلبي بحكيٍ يشبه التغريد !
أفرح وأقول لضيق صدري : (غبّ) != وأخلط بنبرة صوتي التهديد !
كافي حزن ! كم للعذاب يشبّ != أوجار صدري والدفا للبيد !
خلاص أبنسى ضيقتي وأذبّ= عقال راسي للفرح وآجيد :
دوري وأنا بين الفروح ألعبّ= وأنسى إختناقة ليلي العربيد
بأشعل دفاتر غربتي وأشبّ= للي مضى من عمري التفنيد !
وأنبت بسنبلة الأماني حبّ=وأصنع لخلـّي بالأغاني قيد !
تعبت أعيش بهالحزن وأحطبّ= شداد عمري قبل أصيد الصيد
والله لو إنّي عاد مالي ربّ != حتى يضيع العمر فـ التنهيد ![/POEM]