،
كف ريح
لاطـاح ثـوب الـظلام و بـان وجـه الصباح
فـتـحت بـيـبان صــدري لـلشعور الـفسيح
كــنـي نـسـيـم الـربـيـع و بــارقٍ دوب لاح
فـي جرهد العمر يزهر بي خزامى وشيح
الـبال لـو مـا يـحصل في الزمان انشراح
سـجـيّت بــه فـي تـهاتيه الـنبط والـفصيح
اسـتـلهم مـن الـقصيد الـصمت والارتـياح
واخرج عن العالم اللي من جروحه يصيح
يــا لـيـت لـلـروح مـن بـين الـمحاني جـناح
لاضـقت قـلت اسبحي كنك على كف ريح
شـعـوري أوجـعـني الله لا يـعـيد الـجـراح
فـي صدري ابني لها بين المشاعر ضريح
غريب الاحساس في وجه الصبر والكفاح
لــــه دمــعــةٍ مـاتـبـيـن وبــيــرقٍ مـايـطـيـح
وش حـاجة الـضحكة اللي ما وراها فلاح
لا صار ما تجذب احساس الشعور المليح
والــذاكــرة لا خـذتـنـا ل الـلـيـالي الــمـلاح
يـسـري فــؤادي شـجن عـارم ولا يـستريح
لأيــامـي الــلـي مـشـاربـها عـــدودٍ قــراح
لـــو كـدرتـهـا الـلـيـالي الـتـالية مــا تـبـيح
————
.