[سلطان الدوسري]

بلقيــس

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

اذا كانت سبا في عصرها دانت إلى بلقيس=اجل ماالوم قلبي لو خضع لعيون ألماسه
خضوعي رهبَنه للقلب .. عاشقها غدى قدّيس=جميله في عيوني والهوى ماقدّم افلاسه
وانا بِشّرت من هدهد محبه مارمَت تبليس=لأن الصدق ياخذها على دقات اجراسه
فديت العرش لو نِكّر يموت من الغلا قسّيس=عفاريت الهوى باامري تجيب الحب في كاسه
وتسقيني على رؤيا صدوقه كلّها تنفيس=لأن الصرح لو يشهق زفر لُجّه من انفاسه
وانا مرّدت قلبي من وفا لامع لها تكريس=ولو تكشف عن العينين .. خان الكون مع ناسه
لأن الحب في قلبي وسط هالمملكه ماديس=سوى من قلبها لامن تنقّل زاد في باسه
قويّة باس لاحبّت .. وكلّي لجلها ( برديس )=يعني ( جنّة ) العاشق جزا للحب واعراسه
تحفّ القلب دون عيون مَلمَسْهَا على تحسيس=لأن الحب اعمى والمثل ماطاح من راسه
لاني ماعشقت الا جميله ( حسّها ) تغريس=اذا قالت ( حبيبي ) ينتثر لي هرج واحساسه
ألا يادرّة العاشق عرفت ان الغلا ( تبويس )=لأن ( اليدّ ) لاانباست سما فالقلب مجلاسه
سموّي في عيونك لا رأيته اهتوي تجليس=ولا آقف على طولي وعذري طاح من ساسه
حويتيني يتيم ولا بكيت الا على ( تدليس )=( كِذَبت ) بدمع من عيني رجاي وكارهٍ ياسه
طفوله في عيون الشايب اللي مانوى تقييس=لأن الفَرعنه في عاشقك ماحفّت اجناسه
اشوف انّي على مُلكي اشبّهني كما (رمسيس)=واناظر لك (نفرتاري) أدكّ الخوف و اوجاسه
حكمت القلب من عشقي وثقت بخافقك تمريسولا في يوم راودني فراقٍ ماسكٍ فاسه
لذلك غصب ابشّرني و ابشّر قلبك القسّيس : =حبيبك ماشرب غيرك .. و توّ ابيدّه الكاسه

[/poem]