لاشك الشيخ مطلق بن حمدان العطاوي العتيبي يستحق اكثر من هذا الثنا
لمواقفه الكبيرة معي ومعي الجميع فابلغني بمجارات .
الرد على قصيدة الشاعر//
عبدالله بن حسن بن بطي الشمري
بطلب من الشيخ //
مطلق بن حمدان بن حمدي العتيبي
ابوماجد
............................
حي الكتاب اللي من الجزل منضوم
إعداد ماهب الهوى شجرت الراك
على الطنايا الرد يالشعر ملزوم
عطني هناديبك وعطني هداياك
العزوه اللي كنهم دولة الروم
فيما مضى شمر وعنها الخبر جاك
قبيلتن مصدر تقاليد وسلوم
واهل كرم والطيب ماهوب يخفاك
المدح لو يثني بهم صبح كل يوم
مايوفي حقوق الرجاجيل ذولاك
وربعي عتيبه طبعهم يفرق السوم
في كسبت الامجاد وبكسر الاشواك
فعلن شهر ماهي دعايات وحلوم
ياباغي الحسنا سبق منك حسناك
وحنا يابو نايف على طيب شغموم
وردي جزى فعلك ووقفتك وعفاك
ولو جيتنا فاكبر من العلم مصروم
والله ماتسوى مجيك ونخوااك
سلم على شمر ترى العلم محتوم
شمر سعد منهو على حوض الادراك
لاجيتهم لاشك ما انته بمحروم
يحلونها لو لونها الليل لن حاك
واللي حصل هذا مقدر ومقسوم
والرزق عند الله ربي ومولاك
وياحر انا وديبك تطير وتحوم
تسرني واسرك اني جيت وانصاك
وعطنا وعد مسيار للكيف معزوم
يسعد جنابي في الزياره وملفاك
جعلك مجمل دوم ما انته بمليوم
غمرتني بالمدح والطيب شرواك
وختمانها عطر معتق ويشموم
يدفع سلامي يامن الطيب مجناك
الشاعر//
سعود ابو عبيه العتيبي