.
.
.
[poem=font=",6,,normal,normal" bkcolor="transparent" bkimage="" border="none,4," type=2 line=0 align=right use=sp num="0,black""]
نهار الإنصاف شمسه من زمن غايبه=يا ليل الأحلام وأنت أشقيتني عيد عيد
ظل انتظار الفنا يا طيب متكاي به=وأنا مطوّق هوي نفسي بمثل الحديد
ما ظل في صدري المغلق سوا شاييه=اللي يقول لجروح الوقت هل من مزيد
خليّة إحساسه من اللي مضى ذايبه=ولا عاد ينبض به إلا عرق عذب القصيد
على بياض الورق خلا القلم نايبه=و أعطا السهر شرفة جفون ومناهل وبيد
عادي لو يقسّم أيام الشقاء السايبه=على عناوين مجهوله .. على اية بريد
صدري وطن ما اكتشفته لولا منفاي به=مساحته شك لكن فيه منفاي أكيد
من واقعي له هربت بنفسي الطايبه=ودي تمر السنين بحالة اللا جديد
وإن مرني شوق قلت الشوق وش جايبه=منّه ما ني مستفيد وهو ما هو مستفيد
في خاطري مقبره هقواتي الخايبه=وبنظرتي صفوة أحرار أمنياتي عبيد
باقي بذمة ظروف أوضاعي العايبه=لي حلم .. والله على سود الليالي شهيد[/poem]
.
.
.