[ياسر العتيق]

#قصيدة #عزة_وغزة
http://www.assmt.com/ViewSongDetails-120


الفرق ما بين كلمة عزة وغزة
نقطه ولكن عجزنا لا نخليها

ما دامنا ما نصون الدين ونعزة
وشلون نقوى على النقطة نعليها

أكبر هموم الشباب يشوف له مزة
واكبر هموم الصبايا وش يحليها؟

النصر ماهو فقط يا أمتي بزة
النصر همّة على ايديكم توليها

مشروع أمة يبي في أوله هزة
عشان تصحى نفوسٍ من تسليها

واللي بقلبه نفاق يبان من قزة
وانشوف كل الضماير في تجليها

وتسقط بشوتٍ خذت هالدين للرزة
وانشوف من جيبها وشهو ممليها

الفرق نقطة ولكن ما تبي فزة
نقطه ولكن عجزنا لا نعليها

حتى صلاة الفجر تشكي من النزة
من بعد شهر العبادة من يصليها !


سلامتكم

#ياسر_العتيق
@alateeqy