أبيــات وجدتها .. ( مرميّة )
في أحد الملفّات القديــمة ..
كانت غير مبالية .. في مكان التهميش
هي شهادات لموت .. شاعر ..كان شاعر
كتبتها .. كحالة ( مستهترة ) بكل
شيء حتى ... نفسي ..
أكتبها ... لعلّها بعد موتي ..تكتبني
ــــــــــــــــــــــــــــــــــــــــــــــــــ ــ
دامِك معي في وحدتي وانت غايب
ياجيت علّمني أنا .. ايه مخنـــوق
ــــــــــــــــــــــــــــــــــــــــــــــــــ ــ
هي جَتْ كِذا لاتسألي ليه أنا .. أنت
حبّيت أعيــشك ..وعشتك اين حبّيتك
ــــــــــــــــــــــــــــــــــــــــــــــــــ ــ
لوهي على حبّك .. تراها بسيطة
المشكلة حبيت معك العواذل
ــــــــــــــــــــــــــــــــــــــــــــــــــ ــ
تــزعل ..وتذبح داخلي كل ربعي
ياشيـن لاتزعل ذبحت الجماعـة
ــــــــــــــــــــــــــــــــــــــــــــــــــ ــ
إن كان فقري يهز بعينك الصورة
تراي فقري .. ولد فقري .. ولد فقري
ــــــــــــــــــــــــــــــــــــــــــــــــــ ــ
لحظة ماشوفك أرمش بعين وحدة
باللحظة اللي ما أشوفك .. أشوفك
ــــــــــــــــــــــــــــــــــــــــــــــــــ ــ
توفى داخلي حبٍ على مد البصر فرعون
خسارة مت بذنوبي قبل لا إعلن اسلامي
ــــــــــــــــــــــــــــــــــــــــــــــــــ ــ
لأَجْلَ الله... إسْكِتْ ..لَا تَعَلّمْنِي
أدْرِي إنّهْ مَاتْ ..بَسْ إسْكِت ..
ــــــــــــــــــــــــــــــــــــــــــــــــــ ــ
من عرفتك ماعرفت المستقيم
الدواير كلّـــها ..... لفّيــــتها
ــــــــــــــــــــــــــــــــــــــــــــــــــ ــ
وجه أطهر من المــا يشبه المغفرة
وجه باخر ضياعه يشعرك بالأمان
ــــــــــــــــــــــــــــــــــــــــــــــــــ ــ
شفت وجهي كل صدمه به علامه
حتى نفسي طاحت من كفوف عيني
ــــــــــــــــــــــــــــــــــــــــــــــــــ ــ
شاعر يخيط الغيم ....ويرقّص الفُل
ويطشَّر القمرا .. على .. ...خدْ عنّاب
ــــــــــــــــــــــــــــــــــــــــــــــــــ ــ
أحس الشمس تسجد في مقامك
تصلّي حب .. لاصرتي تصلّــي
ــــــــــــــــــــــــــــــــــــــــــــــــــ ــ
لابغيت النقص طالب بالكمال
ولابغيت الذِّل صفّي نيّتــك
ــــــــــــــــــــــــــــــــــــــــــــــــــ ــ
يامن ذكرتك ..يضيق الكون في كونه
ماودي اطريك لكن جيت بالطـاري
ــــــــــــــــــــــــــــــــــــــــــــــــــ ــ
بعيونهـا الشيطنـة صـارت مـن السنـة
العين هاذي ((انا )).. والعين ذي ((عيني))
ــــــــــــــــــــــــــــــــــــــــــــــــــ ــ
جيتك أطالب بنصف انسان ضيّعْته
خليت نصفه يدوّر نصفه الثاني
ــــــــــــــــــــــــــــــــــــــــــــــــــ ــ
لا صار ميزان العدل بس كفـه
عادي ترى مايفرق الزين والشين
ــــــــــــــــــــــــــــــــــــــــــــــــــ ــ
:
زايد..
: