[فاتن حسين]

سلام الطف من نسيم الصبح في ديرة جنيـف
وآحر من شمس الخليـج , ابـ آب عز القايله

واكبر من حدود القرار الصعب بعيون الضعيف
واحلى من احساس الغريب ان عاش جو العايله

ياصلك ياللي في جميع الخلق ما القى لك وصيف
بالطيب , والفزعه , وعشق المرجله , والطايله


قصائده تشبه الغيمة التي تبلل الذائقة بالعطر والجمال والرقه
شاعر يكتب القصيدة بحرفنة عالية, حضوره مميز ولغته الشعرية مرهفه ورقيقه


خالد العنزي
شاعر و كاتب
مؤسس

تاريخ التسجيل
05-15-2006
إجمالي المشاركات
800


لي اسلوبي واحبه وافتخر به والقصيد اجناس
ولا منشان , شهرة زايفه , غيّبت ناموسي

تقبّلني كذا , ولاّ ابتعد وانساك , يـ بن الناس
بلا كثرة حكي , كثر الحكي ماهو بقاموسي

,
,

اشتاق لك ؟ طبعاً , احبك ؟ ايه , احيـابك ؟ اكيد ,
انسـاك ؟ لايمكن , اعافك ؟ لا , احتاجك ؟ نعـم

يعنـي بدونك , اكره الدنيـا , واحس اني وحيد
لنّ الحيـاة اللي بدونـك , مالـها شكـل , وطعم

,,,

في خضمّ . الشوق والذكرى . وحزني . وارتحالي
وانكساري , بين .. غاياتي .. والأيام ..البخيله

صحت يا أحلى ( تعاليلي ) .. تعالي لي .. تعالي
لا . تخليني .. وانا ظميان .. والرحله .. طويله

والتفتّ .. ولا لقيت الاّ ..القصيد اللي .. سعى لي
حرفي . اللي خابره .. لامن نخيته .. جاب حيله

من نخيت الحرف ( يوصفها ) تحيزم وانتخى لي
فز لي .. فزة شجاعٍ .. فـزّعه .. شيخ .القبيله

قال لي غالي .. وتبشر بالطلب .. لو كان .غالي
قلت له بيـتين .. للقلب الشقي .. تروي غليله

****

قال حدّثني , حديث الليل , لعيون الكسالى
قلت ابفتح لك , كتاب الليل وأقرا ماتسنّى

قال من بدعك احب اسمعك واسمو وآتعالى
قلت له عاشقك بين ايديك واطلب ماتمنى

قال نسمع شعر , قلت الشعر في عينك تلالا
حظ منهو شافته عينك , وفي شوفك تهنّى

قال ذرني من حديث العين وأصدقني مقالاً
هو صحيح العشق له سكره \ اشك انّك تجنّى

قلت وش تفرق معك حالي عن احوال الثمالى
غير لامنّي سكرت اشفاك , انت اللي تثنّى

,
,

خالد العنزي...

كل عام وأنت بخير