السلام عليكم و رحمة الله و بركاته ..
[ غايب و رحَّـال ]
[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
لا تسأليني يا [ البعيدة ] عن الحال=الحال مثلِك هالسنين أدبرت به
عشت أجودي مابين غايب و رحَّال=ما فات من ماضيه ذكراه جت به
تساقطت من وجنته كل الآمال=لا صد ناحت وإن مشى هيجنت به
رجَّال بوقوفه و اذا طاح رجَّال=ياما ظروفه شالته وحدرت به
في شفّـته تالي حكايات و اطفال=و بنبرته شرهة حنين إ/شرقت به
من قو باسه ما تذلل للاميال=عايش على تالي عزوم ٍ بقت به
أصغر تفاصيل إ/تـْـعبِه [ فاقد إ/رْجال ]=و أعظم .. تفاصيله معك ما درت به
ماله وطن راحت لياليه ترحال=كل المنافي بالوجود امرحت به
يمشي وحيد و يتبعه خلفه إ/ظلال=يشبه دروب ٍ مرَّها مــ /شعرت به
لا ضاق ... غنَّى يسبق إ/غناه موَّال=وإن ساح باله ذكرياته غدت به
وإليا تذكَّر طيحته دون الأطلال=ضم السحابة في يديه وْ رقت به[/poem]
هروب رمادي :
[poem=font="simplified arabic,4,gray,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black"]
مثلك يجي بسكات و يـروح بسكـات=خَلَّك هنا مع ذكـرى الأحبـاب خَلَّـك
دام الفرح بينـك و بينـه مسافـات=وش عاد لو حظَّك تناسـاك / ملَّـك
إفـرد جناحـك للقهـر و المطمَّـات=واكسر سنينك لـو نـوت تستحلَّـك
لا تنحني .. و إن سلطنت فيك الآهات=سلطـن و لا تظهـر للأيـام ذِلَّــك
تبقى الكبيـر بعينهـا كـل الأوقـات=حتى يا لـو جـوع النهايـات سلَّـك
إليا متى .. صمتك على اوجاعك إ/يبات=إليا متى .. تستر مواريك غِلَّك
إشمخ و إذا ضاقت عليك المساحـات=طيِّر طموحك و إن تمكَّنـت .. كلَّـك[/poem]
حدائق من ياسمين لكل قارئ ..
.
.
ناصر حطاب الدهمشي