.
.
.
عد الشجر و الناس و دموع الايتام
عد الورق و الياس و احساس امي
محتاج اسولف لك حقيقه و احلام
عن دمعتي .. كيف وصلت حد فمي
فيني مراره من تعب وقت و ايام
فيني شعر مسلم / والفين ذمي
كيف تجرا ... لـهفتي فيني تنــام
كيف تبرا ... من [ تباريح همي ]
شوف المدينه عايشه جلد وعظام
هذي الشوارع والمباني و غمي
حتى حنيني ما قدر بعدك ينام
محتاج في غيبتك .. دمي لـ دمي
ارمي لـ صبحي من معاليقي اقلام
هاتي يدينك في صباحي و لمي
هذا الوله معاد يحتاج لـ ارقام
1 يحب 2 .... [ انتي و امي ] !!