[poem=font=",6,darkblue,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""] تسعين ليله فسرن .. حفنة أعوام=جربت سلمى .. وألف شكرا ..لسلمى
رجعت ساقت خيل الأيام قدّام=مرماي كانت كيف أنا صرت ... مرمى
تناوخن جذع بلا درع .. واحزام=لين ادمته برماحها السود وادمى
الحال نجد ولو تضاهرتها شام= تبوح يسرق سرها الصمت ... واكمى
عذري .. تحذر هاجسي واورق حيام= يظما الى ما اروى من .. الخوف واظمى
وأنا اتخايل من خيالاتي .. أهرام= وانما .. وبه شي معي كان ينما
أطرد بدرب الذاكره وقع الاقدام=واسمع سراب وكل ما جيه .. يزمى
أيامي أرضٍ عشتها .. وارضي أيام= وبين الوجوه اغديت عمري والاسما
بالماء كتبت أغلى المبادي والأحلام= لاواخساره يالكتابه على ... الما
يا للغبا بي بامس ماشفت الأوهام=وكنت ادعي في شوف بكره وأنا اعمى
اليوم بي انثي الورق جابت اغلام= وتوّي قريت النور .. بظلوع ظلما
تسعين ليله .. بعثرن خزلة أعوام=شكرًا لسلمي .. وألف شكرا لسلمى
[/poem]