[اورنس الهذال]

حيــن .. يتوّج الحُــب ..!

لك (إ)شعور المعاني .. قبل تطلبها تجي و تنصاع
...ولك (إ)شعور الحروف ان مابدت لك .. شوق وجداني!!

اقص عروق قلبي من منابتها ..من أي ذراع!
... اذا ماجت لك حروف القصيد بروح ديواني

انا روحي تسليها ..بقربكـ (والعيون جياع.! )..
... (احبك قبل مااشوفكـ .!) .. بروحي وانت أوطاني

قبل لا أعيش بحضورك .. ملكت من الوطن أوجاع
... وبعد ماعشت بحضورك .. رويت عروق ودياني

ابي قربكـ ..على كل البشر وإلا الصدور وساع
...وابيك تكون .. في حبكـ تكررني وتقراني

وخذ مني .. خفوق(ن) عاش بالدنيا بليّا إمتاع..!
...وخل نعيش عن كل البشر .. وتزين ألحاني

خفوق(ن) قبل تسكن به .. وحيد وللهوى ملتاع
...ابيك تعيش به .. تبني جديد عروق شرياني .!

وابي حزن(ن) تملكني يغيب ولاله أية داع
... وأبي انسى معك كل البشر والناس تنساني .!

كذا .. نبني محبتنا ..( هوى ) وافرد له الف شراع
... نعيش إمن السعادة والفرح .. وتموت عدواني

ياتاج الحب .. واحساس القصيد .. وطلبت الطمّاع
... تعال املك معانيها .. ياروح العشق وإيماني

لشوفك ابني قصور(ن) وابيع العمر كان انباع
... اماني ..داخلي تبنى على ساسي وبنياني

وخل اللي بقلبه حسد .. يجرب بوسة الأكواع ..
... وخل يموت من غيضه .. لاشافكـ إنت عنواني

( نذر ) ... لو مابدت فيك المشاعر والقصيد انصاع
... اقص عروق قلبي من منابتها .. بشرياني

لكل من مرّ من هنــا .. قوافل من زيزفون ..