يتعبني الوجـد والتشويـق والطـاري
يالله وشهو خلاص القلب من همـه ؟
لا هـم يحسّـون بالعلـه ولا نـاري
أشب واطفي رمـاد وعتمتـي عتمـه
الليل غادر .. واخذ معه الفرح ساري
حتى انتظاري زهق مني / قفى يمـه
ماعادت الدار يا نوض الحشـى داري
اغتربت الروح .. والقلب انكره دمـه
والعين منها سقـط بالحيـل مقـداري
من فوق نايف هدبها جا علـى فمّـه
ومن خلف ظلم الحديد وقسوه أسواري
جلست أشوف السقوط بعيـن مهتمـه
مابيك تدري وشعلومي .. وشخبـاري
أرجوك تكفـى ولا كلمـه ولا كلمـه
أنا ذبحني غيابك .. وأسأل أشعـاري
القافيه باكيـه / والـوزن بـه غمـه
صدّقني ان الظلام الخايـب العـاري
صار أطيب من القرايب ساعه اللمـه
يجلس معي وسالفتنا جمـر ووجـاري
وباقي تفاصيلنا جرح / وجفا وكتمه !
وين الحقوق ان بغيت امن الهوى ثاري
هو ليه يا شرعنا ذا العشق مو تهمه ؟
ياشكوتي مالـك الا الواحـد البـاري
له اخضعي وارتجي عفوه مع الرحمه
ابدعتي
تحياتي