[poem=font=",6,gray,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
لا شفتني مع بزوغ الشمس كلي طرب = عرفت بأني بصبح لي بوجهٍ حلو
انسى السهر والمنادم والعنا والغضب = واقول ربي لفى بأحبابي اللي جلو
واصب فنجال وأقدع من عذوق الرطب= واهمس لنفسي واقول احبابنا ما سلو
ويغرد الطير وانسام الفجر تنسحب = لمصافح النور وازهار الغلا سبلو
اطراف كم الزهر وانظارها للعنب = يا زين حظ السما لاباشرت وانزلو
في غبة الشوق يا ما من كفاح ونصب = في خاطري مربع الأحباب لو ارحلو
وش حيلتي في النصيب اللي من الله انكتب = اللي اشربو من نهر ( فطّام ) فجأه كلو
لحمي وخلو عظامي للخلا والمهب = ماكنهم في حنايا الروح فيني ولو
يا صبح لو وجهك الشاحب فضحه التعب = تبقى ملامح من الذكرى لناس ٍ خلو
احاول اسكبك في صدري ولو ما انسكب = في بارد انفاس والا الناس يا ما علو
يا صبح مالك طرب والا تعال وطرب = نسناسك العف صافحني بكلمة هــلو
[/poem]
.