كـيف اضمك شوق واحضانك جليد
كـيـف بـنـسى الـهم بـغياب الـهنا
كـنتي الـغيمه وانـا الـي كـنت بيد
وصـرتـي انـتـي الـبيد والـغيمه انـا
مـن فـقدتك صـرت انـا ذاك الـفقيد
مـثـل مـصـباحٍ…. فـقـد نــور وسـنا
كـــل نــقـص يـقـابله شــي يـزيـد
وكـــل شــي زاد عــن حــده فـنـا
الـعـمر فــي زوده الـنـقص الاكـيـد
وان نـقـص وصـلـك يـزيـدبي الـضنا
يـولـد بـمـوت الـمـسا فـجـر جـديد
وان نـقـص عـمـر الـفـجر لـيله دنـا
لا انـطـفى وقــاد شـوقـك والـوقيد
اســتـبـاح الــبــرد نــبـض قـلـوبـنا
كـل غـرسن طـال له منجل حصيد
طـــول غـيـابـك .. .وطـالـبنا الـعـنا
كنت روحك وانت في قلبي الوحيد
كـيـف ضـعـنا وانـتـهى الــي بـيننا
كـيـف صـرنـا لـلـفراق الـمـر صـيـد
والــفــرح وشــلــون ضــيـع دربــنـا
كـنـتي اللهفـه وانـا الـحلم الـبعيد
وصـرتـي الـحـرمان يـاكـل الـمـنى
وشـبقى مـن فـرحة العيد السعيد
غـيـر حـظ الـجرح مـن طـعن الـقنا
مــابـقـى الا ذكــريـاتـك والـقـصـيد
يـالـبعييد هـنـاااااك وجـروحـك هـنا