[حسام المجلاد]

لاتندهش، لو كلّ هالحزن .. جاني
هذي ضريبة كلّ مرهف وحسّاس
مقسوم لك تفرح، ومقسوم أعاني
تضحك، وانا ابكي معَ كل نسناس
إفرح ومن فرحتكْ غَنّ ، الاغاني
وانا بغني، بسّ من "ضيق الأنفاس"
ومادام ، منت الصّاحب.. الاوّلاني
لاتْلوم عين الشوق لاصابها نعاس
تبغى تعَرف الحزن ليه اعتراني؟
لإنّي بديت اشوفك تْشابه الناس
وانت اللي اوّل لو تغيّب ثواني
إيّبدل الله راحتي بالف "وسواس"
شربت من كأس الحزن ماَكفاني
وانت بيجيلك يوم تشرب من الكاس
سبحان من غيّر بقلبك .. مكاني
حتى انقطع جذر المواصيل بالفاس
وحيد بعدك .. بسّ ربي عطاني
قوّة عزِم لمواجه غيابك وْباس
وآبشّرك مهما زماني .. وطاني
ما والله آوطّي من الضيقة الراس
انا بسيط ورأس مالي .. "اماني"
من يوم ماتت، قلت حيّالله الياس
لكن .. يكفيني .. عشقت بْتفاني
يوم إن مثلك طاح من عين الاحساس
مهما .. عبث حزني مابين المحاني
شكواي مابْديها على غير" كراس"
بتعيش في عين المحبة ، اناني
وابقى بعين الحب ماعشت نبراس