"ماعاد تفرق لو تمادى غــيابك "
خابر !! ترا ماني على منت خابر
لو ينفتح باب الشقى غير بابك
باب الشقى اهوّن وبكون صابر
هقيت بك هقوى وماينهقى بك
بيّن كتابك من "خطوط المحابر"
ترجع|تغيب|تروح|عارف جوابك
بين السكوت وبين وجه المكابر!
حيرتني أسال خطاك وصوابك
وألقى الاجابه انك انسان عابر
راحت بي الايام على حسابك
والناس ماهي بالمظاهر مخابر
والعمر والايام ( خـيلٍ تــدابك )
واخر مشاوير ! العمر بالمقابر