المحال
المحال اللي مقدّر لي قرين!
أو أحب اللي محال يكون لي!؟
بيت فيني يختصر كل السنين
من مماتي لين يجهلني هلي
ما بغيت الحلّ من شخص (ن) فطين
لا ،ولا ودّي أضل عنّه سلي
غير ودّي يا بياض الياسمين
يا عبيره لو غدى بك ممتلي
يا جمال النفس في شوف الحسين
يا ترانيم المقام الموصلي
كيف ما يهوى فكَر حبّ الثمين
في جمالك ..لو غديتي تبخلي؟
لو يوزّع في بنات العالمين
أعشقك في كلّ بنت (ن) توصلي
غير ودي وقت مغلول اليدين
يا عشيقة خافقي لا ترحلي
يا ثقة مولود في والد أمين
لو رمى به للسما ضحكه جلي
بلوتي فيك التحسّر والأنين
تعصر الخافق ،وتكسر مفصلي
واحضنك في خاطري حزن وحنين
لين أخماصك تدفّي أرجلي
آه يا ضخّة خفوقي ف البطين
ما سمعها بالصدر غير الولي
لو حصل هالعشق منّه منتهين
والمواصل غيم لابدْ ينجلي
*البدر لك يختصرها كلمتين
قفّلن باب الحكي في مدخلي
(كانها الفرقى طلبتك حاجتين!
لا تعلمني ولا تكذب علي)...
صالح المشايخي
*الامير الشاعر بدر بن عبدالمحسن